హరియాణా రాష్ట్రం బద్దీ వద్ద శుక్రవారం జరిగిన రోడ్డు ప్రమాదంలో తొమ్మది మంది అక్కడికక్కడే మృతి చెందారు. వీరిలో ఎనిమిది మంది ఒకే కుటుంబానికి చెందిన వ్యక్తులుగా భావిస్తున్నారు. నాలుగు వాహనాలు ఒకదానితో ఒకటి ఢీ కొనడంతో ఈ ప్రమాదం సంభవించింది.
కుంద్లీ-మేసర్- పాల్వాల్ ఎక్సెప్రెస్ హైవే పై బహదూర్ ఘడ్ సమీపంలో ఈ ప్రమాదం జరిగింది. రాజస్థాన్ నుంచి ఉత్తర ప్రదేశ్ కు పదకుండు మందితో వెళుతున్న మారుతీ ఎర్జిక వాహనాన్ని డ్రైవర్ కాలకృత్యాలు తీర్చుకునే నిమిత్తం రహదారిపై ఓ లారి వెనుక వైపు ఆపాడు. లారీ డ్రైవర్ వెనుక ఉన్న వాహనాన్ని చూసు కోకుండా తన వాహనాన్ని రివర్స్ చేశాడు. ఈ ఘటనలో కారులో ఉన్న ఎనిమిది మంది అక్కడికక్కడే మృతి చెందారు. ఈ ఘటనను చూసిన మరో వాహనం లోని వ్యక్తులు క్షతగాత్రులను రక్షించాలని భావించి తమ వాహనాన్ని రోడ్డు పై నిలిపారు. ఆ వాహనాన్ని వెనుక వస్తున్న మరో లారీ ఢీ కొనింది. ఈ ఘటనలో మరో ఏడుగురు గాయపడ్డారు. గాయపడిన వారిని చికిత్స నిమిత్తం స్థానిక ఆసుపత్రికి తరలించారు. మృతుల్లో ముగ్గురు మహిళలు, ఓ చిన్నారి కూడా ఉన్నారని, పూర్తి వివరాలు తెలియాల్సి ఉందని పోలీసు అధికారి ఓం ప్రకాష్ తెలిపారు.
