అదే విధంగా వీరు కలసి నటించిన దాదాపు అన్ని చిత్రాలు కూడా బాక్స్ ఆఫిస్ వద్ద భారీ హిట్స్ ను అందుకున్నాయి. వాటిలో గుండమ్మ కథ, సంసారం, మిస్సమ్మ, తెనాలి రామకృష్ణ ఇలా మొత్తం 14 చిత్రాలకు పై గానే ఈ ఇరు అగ్ర నాయకులు కనిపించి సందడి చేశారు. అయితే ఇపుడు అదే తరహాలో ఓ స్టార్ రేర్ కాంబో టాలీవుడ్ లో హాట్ టాపిక్ గా మారింది. అదేనండి జక్కన్న దర్శకత్వంలో ప్రాణం పోసుకుంటున్న మూవీ "రణం రౌద్రం రుధిరం". ఈ చిత్రంలో టాలీవుడ్ అగ్ర తారలు యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ లు కలిసి నటిస్తున్న విషయం తెలిసిందే. మాములుగానే వీరిద్దరికీ విడివిడిగా ఎవరి ఫాలోయింగ్ వారికి ఉంది. ఇరువురికి సెపరేట్ గా అశేష అభిమాన గణం ఉంది.అలాంటిది ఇపుడు ఈ ఇద్దరి లెజెండరీ హీరోలు ఒకే చిత్రం తో మనల్ని కలుస్తున్నారు అంటే ఆ క్రేజ్ గురించి వేరే చెప్పనక్కర్లేదు. ఈ మూవీ నుండి ఏ చిన్న విషయం బయటికొచ్చినా క్షణాల్లో సెన్సేషనల్ న్యూస్ గా మారుతోంది. ఇక తాజాగా ఈ మూవీ నుండి రిలీజ్ చేసిన "నాటు నాటు" సాంగ్ సంచనాన్ని సృష్టిస్తుండగా ఆ పాటలో వీరిద్దరూ ఒకరి భుజాలు మరొకరు చేయి వేసుకున్న ఫోటోను అలనాటి అగ్ర దిగ్గజాలు అయిన ఎన్టీఆర్, ఏఎన్నార్ కలిసి ఉన్న ఫోటో తో మ్యాచ్ చేస్తూ ఫ్యాన్స్ హంగామా చేస్తున్నారు. సోషల్ మీడియాలో ప్రస్తుత ఈ పిక్ మరియు వార్త వైరల్ గా మారింది. ఏ నోట విన్నా ఈ క్రేజీ రేర్ కాంబినేషన్ గురించి వినిపిస్తోంది. అయితే ఈ క్రేజీ కాంబో కూడా రానున్న రోజుల్లో వరుస చిత్రాలు చేసి అప్పటి ఆ రేర్ కాంబినేషన్ తరహాలో ప్రేక్షకుల్ని మంత్ర ముగ్ధులను చేయాలని అంతా ఆకాంక్షిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి