గతంలో విడుదలయిన ‘కల్కి’ ఫస్ట్ లుక్ అప్పట్లో ఎంత ట్రోలింగ్కు గురైందో అందరికీ తెలిసిందే. ఆతర్వాత వచ్చిన ఈమూవీ టీజర్ కు మంచి స్పందన రావడంతో ఈమూవీ పై అంచనాలు బాగా పెరిగాయి. ఇక లేటెస్ట్ గా ఈమూవీకి సంబామధించిన ముఖ్య పాత్ర ల డిజైన్ చేయబడ్డ బుజ్జి అనే అల్ట్రా మోడర్న్ కారును ప్రేక్షకులకు పరిచయం చేస్తూ రిలీజ్ చేసిన టీజర్ కు అభిమానుల నుండి స్పందన బాగానే వచ్చినప్పటికీ ఆ టీజర్ సోషల్ మీడియాలో ట్రెండింగ్ కాలేదు అన్న వార్తలు వస్తున్నాయి. దీనితో ఈమూవీని అత్యంత భారీ రేట్లకు కొనుక్కున్న బయ్యర్లకు టెన్షన్ పెడుతోంది అంటూ కొందరు అభిప్రాయ పడుతున్నారు.
ఈ ఈవెంట్ కు సెలక్టివ్గా అభిమానులను అలాగే మీడియా ప్రతినిధులను కూడా ఆహ్వానించారు. కానీ ఈ ఈవెంట్ అనుకున్న స్థాయిలో ట్రెండింగ్ అవ్వలేక పోయింది అంటూ కొందరు కామెంట్స్ చేస్తున్నారు. ఇలాంటి భారీ చిత్రానికి సంబంధించిన ఈవెంట్ అనగానే సోషల్ మీడియా హోరెత్తి పోవాలి. అయితే అలాంటి హోరు సోషల్ మీడియాలో కనిపించక పోవడంతో ప్రభాస్ అభిమానులు టెన్షన్ పడుతున్నట్లు టాక్. దీనితో సినిమాల ప్రమోషన్ విషయంలో రాజమౌళి అనుసరించే వ్యూహాలు ‘కల్కి’ టీం అనుసరిస్తే బాగుంటుంది అంటూ కొందరు కామెంట్స్ పెడుతున్నారు. ‘బాహుబలి’ రికార్డులను ఈమూవీ బ్రేక్ చేయాలి అంటే రానున్న నెలరోజులు ‘కల్కి’ మ్యానియాతో దద్దరిల్లి పోవాలి..