ఈ విజయాల తర్వాత రాహుల్ పేరు పరిశ్రమలోనే కాదు, రాజకీయ, సామాజిక వర్గాలలోనూ బాగా హైలైట్ అయ్యింది. ఎంతోమంది సినీ ప్రముఖులు, రాజకీయ నాయకులు ఆయనను ప్రత్యేకంగా అభినందించారు. అయితే, అభిమానులకు ఊహించని షాక్ ఇస్తూ రాహుల్ తన ప్రేయసి హరిణ్యా రెడ్డితో ఆగస్టు 17న నిశ్చితార్థం చేసుకున్నారు. వీరిద్దరి ప్రేమకథ గురించి ఎవరూ ఊహించకపోవడం, ఎలాంటి రూమర్స్ బయటకు రాకపోవడం గమనార్హం. చాలా సీక్రెట్‌గా లవ్ స్టోరీని మెయింటైన్ చేసిన వీళ్ళిద్దరూ నిశ్చితార్థం వార్తతో ఒక్కసారిగా సోషల్ మీడియాలో హాట్ టాపిక్ అయ్యారు. సినీ సెలబ్రిటీలు, సన్నిహితులు ఈ వేడుకకు హాజరై కొత్త జంటకు ఆశీర్వాదాలు అందించారు. ఆ ఎంగేజ్మెంట్ పిక్చర్స్, వీడియోలు సోషల్ మీడియాలో వైరల్ అవుతూ నెట్టింట ట్రెండింగ్ అయ్యాయి.
కానీ, నిశ్చితార్థం అయిన నాలుగు రోజులకే రాహుల్ ఇన్‌స్టాగ్రామ్‌లో షేర్ చేసిన ఒక వీడియో మళ్లీ చర్చనీయాంశంగా మారింది. రాహుల్ సిప్లిగంజ్ కన్యాకుమారి అమ్మవారి ఆలయంలో ప్రత్యేక పూజలు నిర్వహిస్తున్న ఫొటోలు, వీడియోలు సోషల్ మీడియాలో హల్‌చల్ చేస్తున్నాయి. దీంతో నెటిజన్లు రకరకాలుగా కామెంట్లు చేస్తున్నారు. "ఇంత పెద్ద స్టార్ కూడా ఇలాంటి జాతకం, పూజలు నమ్ముతాడా?" అని కొందరు ఆశ్చర్యపోతే, "ఏమైనా జాతకాల్లో దోషాలు ఉన్నాయా? అందుకే ఇలా ప్రత్యేక పూజలు చేస్తున్నారా?" అంటూ మరికొందరు అనుమానాలు వ్యక్తం చేస్తున్నారు. ఇక రాహుల్–హరిన్యా రెడ్డి లవ్ స్టోరీ ఎలా మొదలైంది? వీరిద్దరిని కలిపిన ఆ ప్రత్యేక వ్యక్తి ఎవరు? వీరి పరిచయం ఏ విధంగా ఏర్పడింది? అన్న ప్రశ్నలు ఇప్పుడు అభిమానుల్లో, సోషల్ మీడియాలో పెద్ద చర్చనీయాంశంగా మారాయి. ఏది ఏమైనా, బిగ్ బాస్ విన్నర్‌గా మొదలైన రాహుల్ సిప్లిగంజ్ స్టార్‌డమ్, నాటు నాటుతో గ్లోబల్ ఫేమ్ దక్కించుకున్న ప్రయాణం, ఇప్పుడు వ్యక్తిగత జీవితంలో కొత్త అడుగు వేస్తూ హరిన్యా రెడ్డితో నిశ్చితార్థం జరుపుకోవడం— రాహుల్ లైఫ్ స్టోరీని మరింత స్పెషల్‌గా మార్చాయి అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి