మహేష్ బాబు హీరోగా, దర్శకుడు రాజమౌళి డైరెక్షన్‌లో ఓ ఇంటర్నేషనల్ స్టాండర్డ్స్‌తో తెరకెక్కబోయే పాన్ వరల్డ్ సినిమా ప్లాన్ సెట్స్ పై ఉంది. ఈ ప్రాజెక్ట్ మీద ఎప్పటినుంచో భారీ అంచనాలు ఉన్నాయి. కానీ షూటింగ్ ప్రారంభం కావడానికి, లేదా పూర్తి కావడానికి ఎప్పుడూ ఏదో ఒక ఆటంకం ఎదురవుతోందని ఫిలింనగర్ టాక్. ఇక ఈ సినిమాలో ఒక కీలకమైన చైల్డ్ క్యారెక్టర్ ఉందట. ఆ పాత్రను ఎవరు చేయాలి? అనే విషయంపై మూవీ టీమ్‌ లో అంతర్గతంగా చర్చలు జరుగుతున్నాయట.
ఇక ఇక్కడే విషయం ఇంట్రెస్టింగ్‌గా మారింది. కొంతమంది మూవీ మేకర్స్ అభిప్రాయం ప్రకారం, ఆ కీలకమైన చిన్నారి పాత్ర కోసం మహేష్ బాబు కూతురు సితారను తీసుకుంటే బాగుంటుందనే ఆలోచన వచ్చిందట. "హీరో సినిమా, హీరో కూతురు – ఒక ఎమోషనల్ కనెక్ట్ ఏర్పడుతుంది" అన్న పాయింట్ మీద వాళ్లు ఆలోచిస్తున్నారట. కానీ రాజమౌళి మాత్రం అందుకు ఓకే చెప్పలేదట. కారణం ఏమిటంటే, ఆయన అభిప్రాయం ప్రకారం సితార ఇప్పటికే పెద్దదైన అమ్మాయి లా కనిపిస్తోంది. ఆ పాత్రకు మాత్రం మరింత చిన్న ఏజ్ ఉన్న అమ్మాయి కావాలి అని రాజమౌళి స్పష్టంగా చెప్పారట.
ఇక మరోవైపు, కొందరు మాత్రం అల్లు అర్జున్ కూతురు అల్లు అర్హను కూడా ఈ పాత్ర కోసం పరిశీలించాలి అని సూచిస్తున్నారట. అర్హ చాలా చిన్నది కావడంతో ఆ పాత్రలో బాగా నప్పుతుందనే అభిప్రాయం వ్యక్తం చేస్తున్నారు. అయితే మరోవైపు కొంతమంది "ఇంకా చాలా చిన్నదే కాబట్టి సినిమాల్లోకి తీసుకురావడం తొందరపాటు అవుతుంది" అని కూడా అంటున్నారు. ఇదంతా సోషల్ మీడియాలో బయటకు రాగానే మహేష్ బాబు ఫ్యాన్స్, అల్లు అర్జున్ ఫ్యాన్స్ ఇద్దరూ రెచ్చిపోతున్నారు. మహేష్ అభిమానులు – "మహేష్ బాబు సినిమాలో ఆయన కూతురే నటిస్తేనే బాగుంటుంది. ఆ ఎమోషనల్ కనెక్ట్ అద్భుతంగా పనిచేస్తుంది" అని వాదిస్తుండగా, అల్లు అర్జున్ అభిమానులు – "అల్లు అర్జున్ సినిమాల్లో అర్హ కనిపిస్తే, అది ఫుల్ పర్ఫెక్ట్ అవుతుంది. మా స్టార్ కూతురికంటే బెటర్ ఎవ్వరూ లేరు" అని అంటున్నారు.
ఇక ట్రోలర్స్ మాత్రం మరోలెవెల్‌కి వెళ్ళిపోయారు. సోషల్ మీడియాలో నేరుగా "సితార వర్సెస్ అర్హ" పోల్స్ పెట్టి ఎవరు బెస్ట్, ఎవరు బాగా సరిపోతారు, ఎవరు భవిష్యత్తులో ఇండస్ట్రీలో నిలదొక్కుకుంటారు అన్న దానిపై విచిత్రమైన చర్చలు చేస్తున్నారు. అంతేకాదు, కొంతమంది "పెద్దవాళ్ల మధ్య ఉన్న పగలు, ఫ్యాన్ వార్స్ కారణంగా చిన్నారులు బలి అవుతున్నారు" అంటూ ఘాటుగా స్పందిస్తున్నారు. మొత్తం మీద, స్టార్ హీరోల ఫ్యాన్ వార్స్ వల్ల ఇప్పుడు వారి పిల్లలు కూడా ట్రోలింగ్ బారిన పడుతున్నారు. సితార – అర్హ పేర్లు సోషల్ మీడియాలో ఒక హాట్ టాపిక్‌గా మారి, హ్యూజ్ రేంజ్‌లో వైరల్ అవుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి