ఆమె మాట్లాడుతూ —“నేను ఎప్పుడూ డ్రగ్స్ వాడలేదు. కానీ నాకు మందు తాగే అలవాటు ఉంది. నా జీవితంలో బ్రేకప్ జరిగినప్పుడు చాలా డిప్రెషన్‌లోకి వెళ్లిపోయాను. ఆ బాధను మర్చిపోవడానికి రోజూ విపరీతంగా తాగేదాన్ని. నా కుటుంబ సభ్యులు, స్నేహితులు ‘ఇలా చేయొద్దు’ అని ఎన్ని సార్లు చెప్పినా వినలేదు. అలా అలవాటైపోయాను. బరువు పెరిగిపోయాను, ఆరోగ్యం క్షీణించింది. ఒకసారి డబ్బింగ్ చెప్పడానికి స్టూడియోకి వెళ్లి అద్దంలో నన్ను చూసుకున్నప్పుడు నాకు నేనే అసహ్యంగా అనిపించింది. అప్పుడే నేను ఎంత తప్పు చేశానో గ్రహించాను,” అని కునికా తెలిపారు.
అంతేకాకుండా తన ప్రేమ జీవితం గురించి కూడా ఆమె చాలా ఓపెన్‌గా మాట్లాడారు.“నా జీవితంలో రెండు పెళ్లిళ్లు జరిగాయి, కానీ ఏదీ సక్సెస్ కాలేదు. నేను ఇద్దరితో లివింగ్ రిలేషన్‌షిప్‌లో ఉన్నాను, నలుగురితో ప్రేమ సంబంధాలు పెట్టుకున్నాను. కానీ ఎవరి దగ్గరా నాకు నిజమైన ప్రేమ దొరకలేదు. యాక్టర్స్‌ని నేను అస్సలు ప్రేమించలేదు, ఎందుకంటే వాళ్లు ఎప్పుడూ అద్దంలో తమను తాము చూసుకుంటూ ‘మనం ఎంత అందంగా ఉన్నాం’ అని మురిసిపోతారు. అలాంటి వాళ్లతో కనెక్ట్ అవ్వడం వల్ల నాకే నష్టం జరిగింది,” అని ఆమె వ్యాఖ్యానించారు. కునికా మొదట పెళ్లి చేసుకున్న వ్యక్తితో అనేక విభేదాలు రావడంతో విడిపోయారు. ఆ తర్వాత 35 ఏళ్ల వయసులో వినయ్ లాల్ అనే వ్యాపారవేత్తను పెళ్లి చేసుకున్నారు. ఈ జంటకు ఒక కుమారుడు పుట్టాడు. కానీ వ్యక్తిత్వ భేదాల కారణంగా ఈ ఇద్దరూ కూడా విడిపోయారు.
ప్రొఫెషనల్ లైఫ్‌లో సక్సెస్ సాధించినా, పర్సనల్ లైఫ్‌లో మాత్రం పూర్తిగా విఫలమయ్యానని కునికా ఓపెన్‌గా అంగీకరించారు.“జీవితంలో డబ్బు, పేరు, ఫేమ్ అంతా ఉన్నా — ప్రేమ, ప్రశాంతత లేకపోతే అది అసలు జీవితం కాదు. నేను ఈ నిజం చాలా ఆలస్యంగా గ్రహించాను,” అని ఆమె చెప్పిన మాటలు ఎంతో మందిని ఆలోచింపజేశాయి.ఇలా తన జీవితంలోని చేదు అనుభవాలను నిజాయితీగా చెప్పిన కునికా సదానంద్ మాటలు ప్రస్తుతం సోషల్ మీడియాలో వైరల్ అవుతున్నాయి. చాలామంది నెటిజన్లు ఆమె ధైర్యాన్ని ప్రశంసిస్తూ, “ఇలా నిజాయితీగా చెప్పడం ప్రతి ఒక్కరికి సాధ్యం కాదు” అని కామెంట్లు చేస్తున్నారు..!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి