స్టార్ మా టీవీలో ఇప్పుడు ఓ స్టార్ ప్రొగ్రాం టెలికాస్ట్ అవుతోంది. తెలుగులో మాస్టర్ చెఫ్ అంటూ స్టార్ మా టీవీలో టెలికాస్ట్ అవుతున్న ఈ కార్యక్రమంలో ముందుగా స్టార్ హీరోయిన్ తమన్నా యాంకర్‌గా వచ్చారు. ముగ్గురు స్టార్ చెఫ్‌లు లీడ్ చేస్తున్న ఈ షో ఇప్పటికే ఒక రేంజ్‌లో ఉంది. టీఆర్‌పీ రేటింగ్ కూడా బాగానే ఉంది. ఇక యూ ట్యూబ్ వ్యూస్ కూడా లక్షల్లోనే ఉన్నాయి. స్పాన్సర్లు కూడా పెద్ద ఎత్తునే ఉన్నారు. ప్రారంభమైన నెల రోజుల తర్వాత ప్రొగ్రామ్‌లో మార్పు జరిగింది. సినిమాల కారణంగా ఈ కార్యక్రమం నుంచి తమన్నా తప్పుకున్నారు. ఆమె స్థానంలో అనసూయ ఎంట్రీ ఇచ్చారు. తాజాగా వస్తున్న ఈ ప్రొగ్రాం ప్రోమోలో అనసూయ తళుక్కుమన్నారు. ఈ కార్యక్రమానికి న్యాయ నిర్ణేతలుగా ప్రముఖ స్టార్ చెఫ్‌లు చలపతి రావు, సంజయ్ తుమ్మా, మహేష్ పడాల వ్యవహరిస్తున్నారు. కాంపిటేటివ్ కుకింగ్ రియాల్టీ షో గా పాపులర్ అయిన ఈ ప్రొగ్రామ్‌ ఇకపై అనసూయ యాంకరింగ్‌తో ముందుకు సాగనుంది.
