ఇక సామాన్యుల అందరూ కూడా వ్యాక్సిన్ వేసుకుంటున్నారు. కాని సినీ సెలబ్రిటీలు మాత్రం ఇప్పటి వరకూ వ్యాక్సిన్ వేసుకోడానికి ముందుకు రావడం లేదు. కొంతమంది సినీ సెలబ్రిటీలు ఇప్పటికే వ్యాక్సిన్ వేసుకున్నప్పటికీ ముఖ్యంగా టాలీవుడ్ హీరోయిన్లు అయితే ఇప్పటివరకు వ్యాక్సిన్ వేసుకున్న దాఖలాలు లేవు. ఇప్పటికే ఎంతోమంది బాలీవుడ్ హీరోయిన్లు వ్యాక్సిన్ వేసుకుంటూ ఇక తమ అభిమానులను కూడా వ్యాక్సిన్ వేయించుకోవాలి అని చెప్పారు. సాధారణంగా సినీ సెలబ్రిటీలు ఏదైనా చెప్పారు అంటే ఇక వారికి ఉండే కోట్లాది మంది అభిమానులు వారి చెప్పింది తప్పకుండా చేస్తూ ఉంటారు. కానీ ప్రస్తుతం టాలీవుడ్ హీరోయిన్లు మాత్రం వ్యాక్సిన్ వేసుకోవడమే కాదు.. వ్యాక్సిన్ వేసుకోవద్దు అని అభిమానులకు సంకేతాలు ఇస్తున్నట్లు ఉంది పరిస్థితి.
దీంతో రోజురోజుకు అటు టాలీవుడ్ హీరోయిన్ల పై తీవ్రస్థాయిలో విమర్శలు వెల్లువెత్తుతున్నాయి. అంతే కాదు కొంత మంది నెటిజన్లు కాస్త ఘాటుగా కూడా కామెంట్లు పెడుతున్నారు సోషల్ మీడియాలో. ఎక్కడపడితే అక్కడ టాటూలు వేయించుకుంటారు. ఎంత నొప్పి వచ్చినా భరిస్తారు కానీ ఇంజక్షన్ అంటే మాత్రం హీరోయిన్లకు భయం పట్టుకున్నట్టు ఉంది అంటూ కామెంట్లు పెడుతున్నారు. టాటూలు వేయించుకున్నప్పుడు లేని నొప్పి ఇంజెక్షన్లు వేయించుకుంటే ఏం వస్తుంది అంటూ ప్రశ్నిస్తున్నారు. మీరు అందరికంటే ముందుగా వ్యాక్సిన్ వేయించుకుని అందరికీ ఆదర్శంగా నిలవాలి. కానీ మీరేమో వ్యాక్సిన్ కి దూరంగా ఉంటూ మీ అభిమానులకు ఏం మెసేజ్ ఇస్తున్నట్లు అంటూ ప్రస్తుతం టాలీవుడ్ హీరోయిన్ లని ప్రేక్షకులు సోషల్ మీడియా వేదికగా ప్రశ్నిస్తున్నారు.