కాంగ్రెస్ క్యాడర్ ఇక్కడ బలంగా లేకపోవడం పార్టీకి పెద్ద సవాలు. గత ఎన్నికల్లో మాజీ క్రికెటర్ అజారుద్దీన్‌ను నిలబెట్టినా ఫలితం రాలేదు. ఇప్పుడు కొత్త అభ్యర్థిని అన్వేషిస్తున్న కాంగ్రెస్‌లో దానం నాగేందర్ పేరు బలంగా వినిపిస్తోంది. మైనార్టీ ఓటు బ్యాంకుపై పట్టు, స్థానిక పరిచయం దానంకు ప్లస్ అవుతాయని భావిస్తున్నారు. మరోవైపు సీఎం రేవంత్ వ్యూహాత్మకంగా ఉప పోరును ముందుకు తీసుకెళ్తున్నారు. జూబ్లీహిల్స్ మీద మంత్రులను తరచూ కార్యకలాపాలకు దింపి, అభ్యర్థి ప్రకటించే వరకు హైప్ క్రియేట్ చేస్తున్నారు. పార్టీ ప్రతి ఒక్కరూ ఈ పోరును తమ సొంత పోరాటంగా తీసుకోవాలని రేవంత్ పిలుపునిస్తున్నారు. ఆయన వ్యక్తిగత ఆసక్తి కారణంగా ఈ ఉప ఎన్నికకు భారీ క్రేజ్ ఏర్పడుతోంది. అయితే ఇక్కడే రిస్క్ కూడా ఉంది. ఎందుకంటే రేవంత్ ఇంతగా ఫోకస్ చేసిన తర్వాత, ఫలితం ప్రతికూలంగా వస్తే.. ఆయన ఇమేజ్‌కే కాదు, ప్రభుత్వ విశ్వసనీయతకే డ్యామేజ్ అవుతుంది.
అందుకే కాంగ్రెస్ తెర వెనుక పక్కాగా ప్లానింగ్ చేస్తూ, షెడ్యూల్ విడుదల కాగానే ప్రచార అస్త్రాలను ఒక్కొక్కటిగా బయటకు తీయాలని ఆలోచిస్తోంది. అధికార పార్టీగా కాంగ్రెస్ లక్ష్యం స్పష్టంగా ఉంది – ఈ ఉప పోరును ఒక ఫీల్ గుడ్ ఫ్యాక్టర్గా మార్చుకోవాలి. ప్రచారంలోనే ప్రత్యర్థులను డిఫెన్సివ్‌లో పడేసేలా చేసి, ఓటర్లలో గెలుపు వాతావరణం తీసుకురావడమే రేవంత్ లక్ష్యం. జూబ్లీహిల్స్ ఉప ఎన్నికలో విజయం సాధిస్తే కాంగ్రెస్‌కు నగరంలో మరింత పట్టు వస్తుంది. ఓటమి అయితే రేవంత్ ప్రతిష్టకే గట్టి దెబ్బ. కాబట్టి ఈ పోరు సీఎం రేవంత్‌కు గెలుపు తప్ప మరే ఆప్షన్ లేకుండా మారింది. జూబ్లీహిల్స్ ఉప పోరు – కాంగ్రెస్ భవిష్యత్తు, రేవంత్ ఇమేజ్ – రెండూ పణంగా పెట్టిన యుద్ధరంగం!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి