ఆంధ్రప్రదేశ్ అసెంబ్లీ వర్షాకాల సమావేశాలు ఇప్పుడు పెద్ద చర్చాకేంద్రంగా మారాయి. ఈ సమావేశాల్లో ఎమ్మెల్యేలు వ్యవహరిస్తున్న తీరుపై రాష్ట్ర ముఖ్యమంత్రి నారా చంద్రబాబు నాయుడు తీవ్ర అసంతృప్తి వ్యక్తం చేశారు. అసెంబ్లీ సమావేశాల ప్రారంభ సమయానికి చాలా మంది ఎమ్మెల్యేలు ఆలస్యం చేస్తూ హాజరు అవుతున్నారు. కొద్దిసేపు సభలో కూర్చొని వెంటనే తిరిగి వెళ్లిపోతున్నారు. ఈ ప్రవర్తనను ముఖ్యమంత్రి గమనించడంతో ఎమ్మెల్యేలపై కచ్చితమైన ఆరా తీశారు. గురువారం అసెంబ్లీ ప్రారంభ సమయానికి కేవలం 30 మంది ఎమ్మెల్యేలు మాత్రమే సభలో హాజరయ్యారు. దీన్ని గమనించిన సీఎం చంద్రబాబు, చీఫ్ వీప్ జీవీ ఆంజనేయులును వెంటనే ఆరా తీశారు.
 

అసెంబ్లీలో సభ్యుల హాజరు పై కఠిన చర్యలు తీసుకోవాల్సిందని వీప్లను అప్రమత్తం చేశారు. వెంటనే సుమారు 15 మంది ఎమ్మెల్యేలను పిలిచి హాజరు కావాలని హెచ్చరించారు. వీపు ఫోన్ల ద్వారా అసెంబ్లీకి హాజరుకావలసిన సభ్యులందరితో సంప్రదించబడింది. కానీ సీఎం చంద్రబాబు అసెంబ్లీ సమావేశాలను కేవలం అధికారంలో ఉన్నవారి సమావేశం మాత్రమే కాదు, ప్రజా సమస్యలు చర్చించడానికి అత్యంత సరైన వేదికగా భావిస్తారు. అందువల్ల ఈ సమావేశాలకు అన్ని ఎమ్మెల్యేలు క్రమం తప్పకుండా హాజరు కావాలని ఆయన ఆశిస్తున్నారు. అయితే వర్షాకాల సమావేశాల్లో ప్రభుత్వం, ప్రతిపక్షం సభ్యుల ప్రవర్తన మధ్య పెద్దగా తేడా లేకుండా ఉండటం, ముఖ్యమంత్రి అసహనానికి కారణమైంది.


ఈ వర్షాకాల సమావేశాలు సెప్టెంబర్ 18 నుంచి ప్రారంభమై 10 రోజులు కొనసాగుతాయి. ఈ సమయంలో ప్రభుత్వ పనితీరు, ప్రజా సమస్యల పరిష్కారం, బడ్జెట్ చర్చ, మరియు పథకల‌ అమలు అంశాలు ప్రధానంగా చర్చకు వస్తాయి. ముఖ్యమంత్రి చంద్రబాబు, అసెంబ్లీని గౌరవిస్తూ, హాజరు లేకుండా ఉన్న ఎమ్మెల్యేలపై కచ్చితమైన చర్యలు తీసుకోవడమే కాకుండా, సభలోకి వచ్చే ప్రతి సభ్యుడిని బాధ్యతాయుతంగా ప్రవర్తించాలని ఆదేశించారు. ఇక ఈ వర్షాకాల సమావేశాలు ముగిసిన తర్వాతే ఈసారి అసెంబ్లీ హాజరు, చర్చల్లోని డిసిప్లిన్, సీఎంకు ఇచ్చే హద్దు పై రిపోర్ట్‌లు వెలువడతాయి. వర్షాకాల సమావేశాలు రాష్ట్రం అభివృద్ధి, ప్రజా సమస్యల పరిష్కారానికి కీలకంగా నిలవనున్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Chandrababu

Amruth kumar

25/09/2025 12:38 PM