ఇక పెంపుడు జంతువులకు సంబంధించిన వీడియోలు అయితే కోకొల్లలు. అవి చేసే విన్యాసాలు, చూపే విశ్వాసం మనల్ని ఆశ్చర్య పరుస్తాయి. కొన్ని కుక్కలు అయితే యజమాని చేసే అన్ని పనులు చేస్తాయి. మరికొన్ని అయితే ఏం చెప్తే అది సర్వెంట్ లాగా చేసిపెడుతాయి. ఇంకొన్ని జంతువుల తెలివికి అసలు మన కండ్లు మనల్ని మోసం చేస్తున్నాయనిపిస్తుంది.
ఇంకా చాలా జంతువులు ప్రభుత్వ విభాగాల్లో డ్యూటీలు కూడా చేస్తుంటాయి. ఎన్నో రకాల పనులు చేసిపెడుతుంటాయి. అయితే ఇప్పుడు కూడా అలాంటి జంతువు మనల్ని ఆశ్చర్యానికి గురి చేస్తోంది. అదేంటో ఇప్పుడు చూద్దాం. దక్షిణ కొరియాలో జరుగుతున్న ఈ వింత గురించి వింటే నిజంగా షాక్ అవ్వాల్సిందే. ఎందుకంటే పిల్లులు ఎంత తెలివైనవో మనకు అర్థమవుతుంది. నిజానికి ఓ పిల్లి ఇంటి డోర్ పాస్వర్డ్ టైప్ చేసి మరీ తెరుస్తోంది.
ఇలా రోజుకు కనీసం 20 సార్లు ఆ ఇంటికి వచ్చి వెళ్తూ ఉంటుందని కుటుంబ సభ్యులు ఆ పిల్లి గురించి తెలిపారు. ఎన్నిసార్లు బయటకు పంపించినా అదే పనిగా వస్తోందని చెప్పారు. తమ పెంపుడు కుక్కతో పాటు తమ ఇంట్లోనే ఆ పిల్లి సేద తీరుతుందని చెప్పారు. అయితే ఇలా క్రమంగా ఆ పిల్లిపై తమకు కూడా ఇష్టం పెరగడంతో దానికి డ్వేబమ్ అనే పేరు పెట్టామని కుటుంబ సభ్యులు చెబుతున్నారు .