పవన్ కళ్యాణ్ మాట్లాడుతూ.. ఏ.ఎం రత్నం ఎన్ని సమస్యలు వచ్చినా కూడా చాలా మౌనంగానే ఉంటారు. ఆ మౌనమే ఈరోజు తనని రోడ్డుమీదికి తీసుకువచ్చేలా చేసిందంటూ తెలిపారు. ఆయన ఒక మంచి సినిమా తీశారని చెప్పడానికే తాను ఈ వేదిక మీదికి వచ్చానంటు పవన్ కళ్యాణ్ మాట్లాడారు. అందుకే ap FDC చైర్మన్గా ఏ.ఎం.రత్నం పేరుని తీసుకువచ్చానని తెలిపారు పవన్ కళ్యాణ్. సినిమా పరిశ్రమ తనకు అన్నం పెట్టిందని పొలిటికల్ గా కూడా తనకి ఎంత పేరు ఉన్నప్పటికీ ఇతర హీరోలతో తనని పోల్చుకుంటే బిజినెస్ కూడా అంతగా ఉండకపోవచ్చు అని వెల్లడించారు.
అందుకు గల కారణం తన దృష్టి అంతా కూడా ఎక్కువగా పొలిటికల్ వైపే ఉండడం.. చాలామంది హీరోలలో తాను కూడా ఒకరినని అంతేకానీ సపరేట్గా ఏమి ఉండదని తెలిపారు. సంవత్సరంలో తనది కూడా ఒక్క సినిమా మాత్రమే ఉంటుంది. మనమందరము కూడా మనుషులమే, కులం ,మతం, ప్రాంతం, భాష పేరుతో కొట్టుకుంటున్నామంటూ తెలిపారు. కానీ సినిమాకు ఇలాంటి వివక్షత ఏవి ఉండవని వెల్లడించారు. చిరంజీవి కొడుకు అయినా సరే, తమ్ముడైన, మరెవరైనా సరే మనకు సత్తా లేకుంటే ఇండస్ట్రీలో ఉండలేమని తెలిపారు. ఇండస్ట్రీలోకి కొత్త వాళ్లు కూడా రావాలని వారందరి కోసం ఏ.ఎం రత్నం లాంటి నిర్మాతలు ఉండాలని తెలిపారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి