ఎందుకంటే ఇటీవలే హైదరాబాద్ కంటే ఎక్కువగా అటు విజయవాడలో డ్రగ్స్ ఎక్కువగా పట్టుబడుతూ ఉండటం గమనార్హం. అయితే ఇప్పటికే విజయవాడలో గంజాయి కి బానిసలుగా మారుతూ యువత జీవితాలను నాశనం చేసుకుంటున్నారు అన్నది అందరూ అనుకుంటున్న మాట. విజయవాడలో ఉన్న ప్రధాన కాలేజీలో టార్గెట్గా గంజాయి దందా యథేచ్ఛగా సాగుతోంది అనే అందరూ అనుకుంటున్నారు. ఇలాంటి సమయంలో ఇటీవలే ఏకంగా ఆఫ్ఘనిస్తాన్ నుంచి విజయవాడకు అక్రమంగా తరలిస్తున్న ఏకంగా తొమ్మిది వేల కోట్ల హెరాయిన్ పట్టుబడటం సంచలనంగా మారిపోయింది.
మామూలుగా అయితే హైదరాబాద్లో భారీ మొత్తంలో డ్రగ్స్ పట్టుబడడం చూశాము. కానీ విజయవాడలో కూడా తొమ్మిది వేల కోట్ల హెరాయిన్ డ్రగ్స్ పట్టుకోవడం మాత్రం సంచలనంగా మారిపోయింది. దీన్ని బట్టి చూస్తే గంజాయ్ మాత్రమే కాదు డ్రగ్స్ కూడా ప్రస్తుతం విజయవాడలో రాజ్యమేలుతుంది అన్నది అర్ధమవుతుంది. టాల్కమ్ పౌడర్ పేరిట కంటెయినర్లలో తరలిస్తున్న హెరాయిన్ ను గుజరాత్ పోలీసులు సీజ్ చేశారు. అధికారులు ఏడుగురిని అదుపులోకి తీసుకున్నారు. ఇక వీరిలో ఇద్దరు ఆప్ఘనిస్తాన్ జాతీయులు ఉండడం గమనార్హం. అయితే విజయవాడకు చెందిన ఒక కంపెనీ వీటిని బుక్ చేసుకున్నట్లు అధికారులు గుర్తించారు
అయితే ఒకటి కాదు రెండు కాదు ఏకంగా తొమ్మిది వేల కోట్ల రూపాయల విలువైన డ్రగ్స్ పట్టుబడటంతో ఇప్పుడు ఎన్నో అనుమానాలు తెరమీదికి వస్తున్నాయి. ఈ ప్రపంచంలోనే అతిపెద్ద డ్రగ్ రాకెట్ తో అటు విజయవాడకు కూడా లింకులు ఉన్నాయా? హైదరాబాద్ నుంచి డ్రగ్స్ దందా విజయవాడకు మారిందా? అసలు ఎన్ని రోజుల నుంచి విజయవాడ లో ఇలాంటివి నడుస్తున్నాయ్? ఇక్కడ ఎవరి ప్రమేయంతో ఇదంతా జరుగుతుంది? అన్న విషయంపై కూడా నిగ్గు తేల్చేందుకు సిద్ధమయ్యారు అధికారులు. అయితే ఒక్కసారిగా భారీ మొత్తంలో డ్రగ్స్ పట్టుబడడంతో అటు బెజవాడ లోని ప్రముఖ కాలేజీ లు అన్నీ కూడా అలర్ట్ అవ్వాల్సిన సమయం ఆసన్నమైంది అంటూ విశ్లేషకులు సూచిస్తున్నారు.
