తాజాగా మంత్రి నిమ్మల రామానాయుడు కుమార్తె నిశ్చితార్థ కార్యక్రమంలోనూ ఇదే జరిగింది. ఆహ్వానం సీఎం చంద్రబాబుకు అందినా, ఆయన బదులుగా లోకేష్ వెళ్లడం విశేషం. అంతకు ముందు మాజీ మంత్రి దేవినేని ఉమా కుమారుడి వివాహానికి కూడా నారా లోకేష్ వెళ్లి, అక్కడ తెలంగాణ సీఎం రేవంత్ రెడ్డితో కలసి ఫొటోలు దిగడం రాజకీయ వర్గాల్లో చర్చనీయాంశమైంది. ఇలాంటి పరిణామాలను చూస్తే చంద్రబాబు ఒక స్పష్టమైన వ్యూహంతో వ్యవహరిస్తున్నారని క్లారిటీ వ‌స్తోంది. రాజకీయ కార్యక్రమాల్లోనే కాకుండా, ఆత్మీయ సమావేశాల్లోనూ లోకేష్‌కు ప్రాధాన్యం ఇవ్వడం ద్వారా ఆయన్ను పార్టీ నేతలకు, కుటుంబాలకు మరింత చేరువ చేయాలని చూస్తున్నారు. అంటే, కేవలం రాజకీయ పరం కాకుండా వ్యక్తిగత, సామాజిక స్థాయిలో కూడా లోకేష్‌ను బలంగా నిలబెట్టాలనే ఆలోచన స్పష్టంగా కనిపిస్తోంది.
ఇప్పటికే నారా లోకేష్ పార్టీ ప్రధాన బాధ్యతలు చేపట్టడం అనివార్యం అనే అభిప్రాయం టీడీపీ వర్గాల్లో బలంగా ఉంది. చంద్రబాబు వయసు, రాజకీయ అనుభవం దృష్ట్యా భవిష్యత్తులో పార్టీ పగ్గాలు తనయుడికే అప్పగించే అవకాశం ఉందని సీనియర్లు అంగీకరిస్తున్నారు. ఈ నేపథ్యంలో లోకేష్‌ను ముందుగానే అన్ని వర్గాలకూ పరిచయం చేసి, వారిని తనవైపు తిప్పుకోవడమే ప్రస్తుత వ్యూహమని చెబుతున్నారు. ఇలాంటి కార్యక్రమాల్లో పాల్గొనడం ద్వారా నారా లోకేష్ కేవలం పార్టీ నేతలకే కాకుండా వారి కుటుంబాలతోనూ అనుబంధం పెంచుకుంటారు. ఇది వ్యక్తిగత స్థాయిలో ఆయనకు మంచి బలాన్ని ఇస్తుంది. భవిష్యత్తులో పార్టీని ముందుకు నడిపించేటప్పుడు ఈ సంబంధాలు ఆయన్ను బలపరుస్తాయి. మొత్తానికి, చంద్రబాబు తనయుడిని క్రమంగా రాజకీయ, వ్యక్తిగత స్థాయిలో ప్రమోట్ చేయడం స్పష్టంగా కనిపిస్తోంది. లోకేష్‌కు ఇస్తున్న ఈ ప్రాధాన్యం భవిష్యత్తు టీడీపీ వారసత్వాన్ని బలపరిచే ప్రయత్నంగానే విశ్లేషకులు చూస్తున్నారు. ఈ వ్యూహం ఎంతవరకు ఫలిస్తుందో రానున్న రోజుల్లో తేలనుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి