చేతి పంపులోంచి నీరు కాకుండా ఇంకేదైనా వస్తే ఖచ్చితంగా వెంటనే షాకవుతాం. కానీ అదే పంపులోంచి మంటలు, నీరు కలిపి వస్తే భయంతో పరుగులు తీస్తాం. అయినా అసలు నీటి పంపులోంచి మంటలెలా వస్తాయి.. వచ్చినా మంటలను ఆపే శక్తి నీటికుంటుంది కదా సాధారణంగా అనుకుంటాం.. ఒక వేళ మంటలు ఇంకా నీళ్లు కలిపి వస్తే బాబోయ్ అంటూ నాలుగు అడుగులు వెనక్కి పరిగెడతాం. నిజమే ఇలాంటి ఘటనే మధ్యప్రదేశ్ లోని ఛతర్ పూర్ జిల్లాలో జరిగింది. ఏంటి ఇప్పటికి నమ్మబుద్ది కావడం లేదా.. అయితే ఈ స్టోరీ తెలుసుకోండి..మధ్యప్రదేశ్ రాష్ట్రంలోని ఛతర్ పూర్ లోని బక్స్ హహా తాలుకా కాచర్ గ్రామంలో గురువారం తెల్లవారుజామున ఓ వింత ఘటన జరిగింది. గ్రామంలోని ఓ చేతి పంపు నుంచి నీరు, మంటలు ఒకేసారి రావడంతో ఆప్రాంత ప్రజలంతా భయాందోళన చెందారు. ఈ వింతను చూసేందుకు గ్రామంలోని ప్రజలంతా ఆ చేతి పంపు చుట్టూ గుమిగూడారు. గతంలో ఎప్పుడూ ఇలాంటి ఘటన గ్రామంలో జరగలేదని స్థానికులు అంటున్నారు. ఈఘటనకు సంబంధించిన వీడియో సోషల్ మీడియాలో వైరల్ అవుతోంది. సాధారణంగా ఏదైనా కాలినప్పుడు లేదా మంటలను వ్యాపించే పదార్థం ఆప్రదేశంలో ఉన్నా కేవలం మంటలు వచ్చే అవకాశం ఉంటుంది. కాని.. నీరు, మంటలు కలిపి ఒకేసారి రావడంతో ఆప్రాంత ప్రజలంతా సంభ్రమాశ్చర్యాలకు గురయ్యారు. ఈఘటనపై స్థానికులు ఇచ్చిన సమాచారంతో అధికారులకు సంఘటనా స్థలానికి వెళ్లి పరిశీలించారు.


చేతి పంపు నుంచి ఒకేసారి మంటలు, నీరు రావడం ఈప్రాంతంలో మొదటిసారి చూస్తున్నామని, పూర్తి స్థాయి విచారణ తర్వాత ఈఘటనకు గల కారణాలు తెలిసే అవకాశముందని అధికారులు తెలిపారు. ఛతర్ పూర్ జిల్లా కేంద్రానికి 10 కిలోమీటర్ల దూరంలో ఉన్న కాచర్ గ్రామంలో కొందరు వ్యక్తులు వాకింగ్ కు వెళ్లినప్పుడు చేతి పంపు నుంచి మంటలు రావడం చూసి ఒక్కసారిగా షాక్ అయ్యారు. వెంటనే వారు ఈ విషయాన్ని గ్రామస్తులకు తెలియజేయడంతో వారంతా ఒక్కసారిగా ఆందోళనకు గురయ్యారు. చేతి పంపు దగ్గరకు వెళ్లాలంటేనే భయపడుతున్నారు. ఈఘటన ఓ అద్భుతమని గ్రామంలో కొందరు అంటుంటే.. ఏదైనా రసాయనాలు పంపులో కలిసి ఉండొచ్చని.. అందుకే ఈమంటలు వ్యాపించాయని స్థానికులు గుసగుసలాడుకుంటున్నారు. చేతి పంపులోంచి మంటలు రావడాన్ని చూసిన వారంతా ఈదృశ్యాలను మొబైల్ లో బంధించి రికార్డు చేశారు. వీటిని సోషల్ మీడియాలో అప్ లోడ్ చేయడంతో ఈవింత సంఘటన ప్రపంచమంతా పాకింది. వాస్తవానికి నీటి ఎద్దడితో ఈగ్రామ ప్రజలు ఎంతో ఇబ్బంది పడుతున్నారు. ఈసమయంలో ఈచేతి పంపు నుంచి ఈ రకంగా మంటలు రావడంపై మరింత ఆందోళన చెందుతున్నారు స్థానిక ప్రజలు.

మరింత సమాచారం తెలుసుకోండి:

VIRAL VIDEO

Purushottham Vinay

25/08/2022 10:31 PM