ప్రస్తుతం రామ్ చరణ్ "గేమ్ చేంజర్" అనే మూవీ లో హీరోగా నటిస్తున్నాడు. ఈ మూవీలో కియార అద్వానీ హీరోయిన్ గా నటిస్తూ ఉండగా ... అంజలి , సునీల్ , శ్రీకాంత్ , నవీన్ చంద్ర ఈ  మూవీ లో ముఖ్య పాత్రలలో కనిపించబోతున్నారు. నటుడు మరియు దర్శకుడు అయినటువంటి ఎస్ జె సూర్య ఈ మూవీ లో విలన్ పాత్రలో కనిపించనుండగా ... దేశం గర్వించదగ్గ గొప్ప దర్శకులలో ఒకరు అయినటువంటి శంకర్ ఈ మూవీ కి దర్శకత్వం వహిస్తున్నాడు. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ సినిమాను భారీ బడ్జెట్ తో ఎంతో ప్రతిష్టాత్మకంగా నిర్మిస్తున్నాడు. ఎస్ ఎస్ తమన్ ఈ సినిమాకు సంగీతం అందిస్తున్నాడు. 

చాలా రోజుల క్రితం ప్రారంభం అయిన ఈ మూవీ షూటింగ్ ఇప్పటికీ కూడా పూర్తి కాలేదు. ఇక ప్రస్తుతం అందుతున్న సమాచారం ప్రకారం ఈ మూవీ యొక్క చిత్రీకరణ చివరి దశకు చేరుకున్నట్లు తెలుస్తోంది. మే నెల ఎండింగ్ వరకు ఈ మూవీ యొక్క మొత్తం షూటింగ్ పూర్తి అయ్యే అవకాశాలు ఉన్నట్లు తెలుస్తోంది. ఇకపోతే ఎన్ని రోజుల పాటు ఈ మూవీ యొక్క షూటింగ్ హైదరాబాదులో జరిగింది. నిన్ననే ఈ మూవీ యొక్క హైదరాబాద్ షెడ్యూల్ పూర్తి అయినట్లు తెలుస్తోంది. ఇకపోతే రేపటి నుండి ఈ మూవీ నెక్స్ట్ షెడ్యూల్ చెన్నై లో ప్రారంభం కాబోతున్నట్టు తెలుస్తోంది. ఈ షెడ్యూల్ కేవలం రెండు రోజులు మాత్రమే ఉండబోతున్నట్లు సమాచారం.

ఇకపోతే రేపటి నుండి చెన్నై లో ప్రారంభం కాబోయే షెడ్యూల్ లో రామ్ చరణ్ కూడా పాల్గొనబోతున్నట్లు తెలుస్తోంది. రేపటి నుండి స్టార్ట్ కాబోయే షెడ్యూల్ కోసం చరణ్  ఈ రోజు చెన్నై కి బయలుదేరాడు. ప్రస్తుతం రామ్ చరణ్ ఎయిర్ పార్ట్ లో ఉన్న ఫోటోలు సోషల్ మీడియాలో వైరల్ అవుతున్నాయి. ఇకపోతే గేమ్ చేంజర్ మూవీ పై ఇండియా వ్యాప్తంగా సినీ ప్రేమికుల్లో భారీ అంచనాలు ఉన్నాయి. ఈ మూవీ ని ఈ సంవత్సరం అక్టోబర్ లేదా నవంబర్ నెలలో విడుదల చేసే అవకాశం ఉన్నట్లు తెలుస్తోంది.

మరింత సమాచారం తెలుసుకోండి:

Pulgam Srinivas

01/05/2024 02:21 PM