సాధారణంగా ప్రతి ఒక్కరూ ఉద్యోగం చేయలేక , బిజినెస్ పెట్టుకోవాలి అని ఆలోచిస్తూ ఉంటారు. మరీ ముఖ్యంగా కొంతమంది ఎక్కువగా ఏదో ఒక వ్యాపారం చేసి , ఎక్కువ మొత్తంలో రాబడి పొందాలని ఆలోచిస్తూ ఉంటారు. అయితే కేవలం మన దగ్గర బిజినెస్ చేయడానికి కావలసిన డబ్బు మాత్రమే ఉంటే సరిపోదు. దానిని సక్సెస్ చేయడానికి మన దగ్గర కొన్ని స్కిల్స్ కూడా ఉండాలి. ఒకవేళ మన దగ్గర స్కిల్స్ లేక డబ్బు ఎంత ఉన్నా, ఆ వ్యాపారం వృద్ధి చెందలేదు. అయితే ఎలాంటి స్కిల్స్ ఉండడం వల్ల వ్యాపారంలో అత్యున్నత స్థాయికి చేరుకుంటాము అనే విషయాలను ఇప్పుడు ఇక్కడ చదివి తెలుసుకుందాం..
ముఖ్యంగా ఇతరులతో బిజినెస్ కమ్యూనికేషన్ చాలా అవసరం. ఇతరులతో మాట్లాడటం , మంచి రిలేషన్షిప్ మెయింటైన్ చేయడం వల్ల కమ్యూనికేషన్ పెరిగి ఆలోచన కూడా పెరుగుతుంది. తద్వారా బిజినెస్ సక్సెస్ అవడానికి పునాది వేసినట్లే. అందుకే బిజినెస్ లో ముందుగా సక్సెస్ పొందాలి అంటే, కమ్యూనికేషన్ తప్పనిసరి. అంతేకాదు ఐ కాంటాక్ట్, బాడీ లాంగ్వేజ్ కూడా తప్పనిసరి.
ఎవరు ఏం చెప్పినా, అది కొత్త విషయం అయితే కచ్చితంగా వినాలి. అది పెద్దవాళ్ళు అయిన చిన్నవాళ్ళ అయినా, ఏ విషయం అయినా సరే ముందుగా వినడం నేర్చుకోగలిగినప్పుడే బిజినెస్ లో సక్సెస్ పొందగలరు.
పెద్దగా ఆలోచించడం నేర్చుకోవాలి. కొన్ని కొన్ని సార్లు కొంతమంది చిన్న చిన్న తప్పులు చేస్తూ ఉంటారు. ఇక ఆ చిన్న తప్పులు పట్టుకొని, ఎక్కువగా ఆలోచించడం వల్ల మనలో ఉన్న జ్ఞాపక శక్తి తగ్గిపోయి, క్రమంగా ఆలోచనా శక్తి కూడా పోతుంది. ఏదైనా పెద్ద సమస్య వస్తే దానికి కూడా కంగారు పడకుండా , ఆ సమస్యకు పరిష్కారం వెతకడానికి ప్రయత్నించాలి.
ప్రతిసారి మిమ్మల్ని మీరు ఇంప్రూవ్ చేసుకోవడానికి ప్రయత్నించాలి. మీ మీద మీకు కాన్ఫిడెన్స్ ఉండాలి. కానీ ఓవర్ కాన్ఫిడెన్స్ ఉండకూడదు.ఇలా ఓవర్ కాన్ఫిడెన్స్ ఉండడం వల్ల ఒక్కోసారి బోల్తా పడాల్సిన పరిస్థితి ఏర్పడుతుంది.
ముందుగా మీరు ఏ రంగంలో రాణించగలరో, ఆ రంగాన్ని ఎన్నుకోవడం ఉత్తమం. మీకు ఏ విషయంలో అయితే. నేను చేయగలను..నేను చేస్తాను.. అని నమ్మకం ఉంటుందో అప్పుడు విజయం మీ చెంత ఉంటుంది.
ఇలాంటి స్కిల్స్ మీలో ఉండడంతో పాటు కొంచెం ఆర్థికంగా కూడా మీరు బాగున్నట్లయితే, బిజినెస్ లో సక్సెస్ మీదే అవుతుంది.
