కానీ లోకేశ్ పాదయాత్రలో సత్తెనపల్లి స్థానాన్ని కన్నా లక్ష్మీనారాయణకు ఇస్తున్నట్లు ప్రకటించారు. విజయవాడ సెంట్రల్ స్థానం మరొకరికి ఖరారు చేశారు . ఇలా ఒక్కొక్కరు ఒక్కో స్థానంలో అభ్యర్థులను ప్రకటించేస్తు వస్తున్నారు. అయితే ఇది టీడీపీ, జనసేన పొత్తు విషయం పక్క దారి పట్టినట్లు తెలుస్తోంది. ముఖ్యంగా టీడీపీ అభ్యర్థులను ప్రకటించడం, జనసేన కూడా కొన్ని నియోజకవర్గాల్లో అభ్యర్థులు బలంగా ఉండటం, తదితర అంశాల్లో తేడాలు వచ్చినట్లు స్పష్టమవుతోంది.
అయితే పవన్ కల్యాణ్ వారాహి యాత్ర మొదలైంది. ఈ యాత్రలో పవన్ కల్యాణ్ తన స్పీచ్ లో ఒక క్లారిటీ ఇచ్చేశారు. 2024, 2029 లో జనసేనకు అధికారం ఇవ్వాలని జన సేన అభ్యర్థులను గెలిపించాలని పవన్ కల్యాణ్ కోరుతున్నారు. టీడీపీ అధినేత చంద్రబాబు బీజేపీ నాయకులను కలిసే సమయంలో పవన్ సహకరించినట్లు వార్తలు వచ్చాయి. కానీ బీజేపీ అగ్ర నాయకులతో టీడీపీ అధినేత సమావేశం అనంతరం సమీకరణాలు పూర్తిగా మారిపోయాయి.
జనసేన కోరుకుంటున్న స్థానాల్లో టీడీపీ అభ్యర్థులను ప్రకటించడం వల్ల మళ్లీ పొత్తు పెట్టుకునే సమయం వచ్చే సరికి అల్రడీ మేం వాటిని ప్రకటించామని చెబుతారు. దీని వల్ల పొత్తు సమయంలో ఇబ్బందులు ఎదురవుతాయి. జనసేన పార్టీ పది సంవత్సరాలు అవుతోంది. ఈ సారి ఎన్నికల్లో సత్తా చూపించకపోతే పవన్ కల్యాణ్ జనసేనకు కూడా రాబోయే రోజుల్లో ఇబ్బంది అవుతుంది. కాబట్టి పవన్ కూడా ఒంటరిగా పోటీ చేసేందుకు ఆసక్తి చూపుతున్నట్లు తెలుస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి