టేస్టింగ్ సాల్ట్ కలిగిన ఆహారాలను అధికంగా తీసుకోవడం వలన రుచి మొగ్గలు (taste buds) ఎక్కువగా ప్రేరేపించబడి, అతిగా తినే (Overeating) అవకాశం పెరుగుతుంది. ఇది క్రమంగా బరువు పెరగడానికి మరియు ఊబకాయంతో పాటు ఇతర జీవక్రియ (మెటబాలిక్) సమస్యలకు దారితీస్తుంది టేస్టింగ్ సాల్ట్‌లో ఉండే మోనోసోడియం గ్లూటమేట్ (MSG) కేంద్ర నాడీ వ్యవస్థను ప్రభావితం చేయవచ్చని తెలుస్తోంది. దీని వల్ల కొంతమందిలో మైగ్రేన్ తలనొప్పి, నిద్రలేమి, అలసట మరియు చికాకు వంటి సమస్యలు తలెత్తవచ్చు.
టేస్టింగ్ సాల్ట్‌ను అధికంగా తీసుకున్న తర్వాత కొంతమందిలో 'చైనీస్ రెస్టారెంట్ సిండ్రోమ్' లేదా 'ఎంఎస్జీ సిండ్రోమ్' అనే లక్షణాలు కనిపించవచ్చు. వీటిలో తీవ్రమైన తలనొప్పి, చెమట పట్టడం, ఛాతీలో నొప్పి లేదా బిగుతు, గుండె వేగంగా కొట్టుకోవడం, మెడ మరియు ముఖ భాగంలో మంటగా అనిపించడం వంటివి ఉంటాయి. టేస్టింగ్ సాల్ట్‌లో కూడా సోడియం ఉంటుంది. దీని అధిక వినియోగం వలన 5శరీరంలో సోడియం స్థాయిలు పెరిగి, అధిక రక్తపోటు (High BP) సమస్య వచ్చే అవకాశం ఉంది. రక్తపోటు పెరగడం గుండె సంబంధిత సమస్యలకు మరియు కిడ్నీ సమస్యలకు దారితీయవచ్చు.
టేస్టింగ్ సాల్ట్ కలిపిన ఆహారాలను క్రమం తప్పకుండా తినడం వలన, నాలుకపై ఉండే రుచి మొగ్గలు ఇతర సాధారణ రుచులను సరిగ్గా ఆస్వాదించలేకపోవచ్చు. దీనివల్ల సాధారణ, ఆరోగ్యకరమైన ఆహారం తక్కువ రుచికరంగా అనిపించవచ్చు. టేస్టింగ్ సాల్ట్ అధికంగా తీసుకోవడం వలన హార్మోన్ల సమతుల్యత దెబ్బతినే ప్రమాదం కూడా ఉందని కొన్ని అధ్యయనాలు సూచిస్తున్నాయి.
ముఖ్యంగా, గర్భిణీ స్త్రీలు, చిన్న పిల్లలు, వృద్ధులు మరియు అధిక రక్తపోటు ఉన్నవారు టేస్టింగ్ సాల్ట్ కలిపిన ఆహారాలకు ఎంత దూరంగా ఉంటే అంత మంచిది. వీలైనంత వరకు దీని వినియోగాన్ని తగ్గించుకోవాలని లేదా పూర్తిగా మానుకోవాలని ఆరోగ్య నిపుణులు సూచిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి