తెల్లబియ్యంతో వండిన అన్నంలో స్టార్చ్, కార్బోహైడ్రేట్స్ అనేవి ఎక్కువగా ఉంటాయి. అయితే ఇవి మన ఆరోగ్యానికి అంత మంచివి కాదు. అందుకే తెల్ల అన్నాన్ని తక్కువగా తీసుకోవాలని ఆరోగ్య నిపుణులు కూడా సూచిస్తున్నారు. అయితే మనలో చాలా మందికి కూడా అసలు తెలియని విషయమేమింటంటే బియ్యంలో చాలా రకాలు ఉంటాయి. వాటిలో ఎర్ర బియ్యం కూడా ఉంటాయి.ఈ బియ్యం చూడటానికి ఎర్రగా ఉంటుంది. ఇక వీటితో వండిన అన్నం కూడా ఎర్రగా ఉంటుంది.తెల్లబియ్యం కంటే ఎర్ర బియ్యం మన ఆరోగ్యానికి చాలా మేలు చేస్తుందని, దీనిని ఆహారంగా తీసుకోవడం వల్ల మన శరీరానికి హాని కలగకుండా ఉంటుందని మన శరీరానికి చాలా ఆరోగ్య ప్రయోజనాలు కలుగుతాయని నిపుణులు చెబుతున్నారు. ఈ ఎర్రబియ్యాన్ని ఆహారంలో భాగంగా తీసుకోవడం వల్ల మనకు కలిగే ఆరోగ్య ప్రయోజనాలు గురించి ఇప్పుడు తెలుసుకుందాం. ఈ ఎర్రబియ్యంలో మోనోకోలిన్ ఎక్కువగా ఉంటుంది. ఇది కొలెస్ట్రాల్ ను తగ్గించి గుండె ఆరోగ్యాన్ని మెరుగుపరచడంలో సహాయపడుతుంది.


 ఇంకా అలాగే ఎర్రబియ్యాన్ని తీసుకోవడం వల్ల రక్తపోటు కూడా అదుపులో ఉంటుంది.ఎర్రబియ్యంలో సెలీనియం, విటమిన్ సి ఇంకా బీటాకెరోటీన్ వంటివి ఎక్కువగా ఉంటాయి. ఇవి ఫ్రీరాడికల్స్ నుండి శరీరాన్ని కాపాడడంలో చాలా బాగా సహాయపడతాయి.షుగర్ వ్యాధి గ్రస్తులకు కూడా ఎర్రబియ్యం చాలా మేలు చేస్తాయని చెప్పవచ్చు.ఈ ఎర్రబియ్యాన్ని తీసుకోవడం వల్ల రక్తంలో చక్కెర స్థాయిలు అదుపులో ఉంటాయి. అలాగే షుగర్ కారణంగా శరీర ఆరోగ్యం దెబ్బతినకుండా ఉంటుంది. ఎర్రబియ్యంలో కొవ్వు ఇంకా క్యాలరీలు తక్కువగా ఉంటాయి. కాబట్టి వీటితో వండిన అన్నాన్ని తీసుకోవడం వల్ల మనం బరువు పెరగకుండా ఉండవచ్చు. వీటివల్ల శరీరంలో కొవ్వు కూడా పేరుకుపోకుండా ఉంటుంది.ఈ ఎర్రబియ్యంలో క్యాల్షియం, ఫాస్పరస్ వంటి ఖనిజాలు కూడా ఉంటాయి. ఇవి శరీర ఎముకల ఆరోగ్యాన్ని కాపాడడంలో సహాయపడతాయి. ఈ విధంగా ఎర్రబియ్యం మన ఆరోగ్యానికి చాలా మేలు చేస్తాయని వీటితో వండిన అన్నాన్ని తినడం వల్ల శరీరానికి మేలే తప్ప ఎలాంటి హాని కలగదని ఆరోగ్య నిపుణులు చెబుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

HEALTH

Purushottham Vinay

24/09/2023 08:01 PM