ప్రస్తుతం ప్రభాస్ క్రేజ్ ఏ రేంజ్‌లో ఉందో ప్ర‌త్యేకంగా చెప్ప‌క్క‌ర్లేదు. ఈయ‌నతో సినిమాలు తీసేందుకు బాలీవుడ్ ద‌ర్శ‌కులు సైతం పోటీ ప‌డుతున్నారు. అయితే ప్రభాస్ క్రేజ్‌ను క్యాష్ చేసుకునేందుకు ప‌లు కార్పొరేట్ సంస్థలు తెగ ఆరాట‌ప‌డుతున్నాయి. ఈ నేప‌థ్యంలోనే త‌మ బ్రాండ్స్‌ను ప్ర‌మోట్ చేస్తూ యాడ్స్ లో నటించాల‌ని గ‌త నెల రోజుల్లో ప‌లు కంపెనీలు ప్ర‌భాస్‌కి వంద కోట్లు ఆఫ‌ర్ చేశాయ‌ట.
ఇలాంటి ఆఫ‌ర్ వ‌స్తే ఎవ్వ‌రూ మిస్ చేసుకోరు. కానీ, ప్రభాస్ మాత్రం వారి ఆఫ‌ర్‌ను సున్నితంగా రిజెక్ట్ చేసి వంద కోట్ల‌నూ వ‌దులేసుకున్నాడ‌ట. అందుకు కారణం సినిమాల‌నే అని తెలుస్తోంది. ప్రస్తుతం ఆయన దృష్టి మొత్తం సినిమాలపైనే ఉంది. అందుకే బడా కంపెనీలకు సైతం నో అని చెప్పేస్తున్నాడ‌ట ప్రభాస్.కాగా, ప్రభాస్ సినిమాల విష‌యానికి వ‌స్తే.. ఇప్ప‌టికే రాధాకృష్ణ కుమార్ ద‌ర్శ‌క‌త్వంలో ఈయ‌న నటించిన `రాధేశ్యామ్‌` చిత్రం విడుదలకు సిద్ధంగా ఉంది. పూజా హెగ్డే హీరోయిన్‌గా నటించిన ఈ మూవీ జ‌న‌వ‌రి 14న విడుదల కావాల్సి ఉన్నా క‌రోనా కార‌ణంగా వాయిదా ప‌డింది. ఇక ప్రభాస్ మ‌రోవైపు ఓం రౌత్ ద‌ర్శ‌క‌త్వంలో `ఆదిపురుష్`, ప్రశాంత్ నీల్ ద‌ర్శ‌క‌త్వంలో `సలార్`, నాగ్ అశ్విన్ ద‌ర్శ‌క‌త్వంలో `ప్రాజెక్ట్‌-కె` చిత్రాలు చేస్తున్నారు. వీటిల్లో ఆదిపురుష్ షూటింగ్ ఇప్ప‌టికే కంప్లీట్ అవ్వ‌గా.. మిగిలిన రెండు సినిమాలు సెట్స్ మీదే ఉన్నాయి. ఇవి పూర్తైన వెంట‌నే ప్రభాస్ సందీప్ రెడ్డి వంగాతో `స్పిరిట్‌` అనే మూవీ చేయ‌నున్నాడు.
