ఈ సినిమాలో రామ్ చరణ్ పాత్ర దాదాపు సినిమాలో 45 నిమిషాలు ఉంటుందట. అలాగే సమ్మర్ లో ఇంకాస్త వేడి పుట్టించాడానికి మే 13న థియేటర్స్ లో సందడి చేయనున్నారు ఆచార్య టీమ్. ఐతే ఇక్కడే ఒక ఆసక్తికర విషయం దాగిఉంది.. అసలు ఈ సినిమాను మే లో విడుదల చేయడంపై మెగా ఫ్యాన్స్ ప్రత్యేక ఆసక్తి కనబరుస్తున్నారు.ఎందుకు అనుకుంటున్నారా దాదాపు 28 ఏళ్ల తర్వాత చిరంజీవి నటించిన ఆచార్య చిత్రం మే లో విడుదల అవుతోంది. అంతకముందు 1993లో గీతా ఆర్ట్స్ బ్యానర్లో అల్లు అరవింద్ నిర్మాణంలో బి.గోపాల్ దర్శకత్వంలో తెరకెక్కిన మెకానిక్ అల్లుడు సినిమా మే 27న విడుదల అయింది.అలాగే 1991లో గ్యాంగ్ లీడర్ సినిమా మే 9న రిలీజైంది.
ఈ సినిమా మంచి విజయం సాధించింది. దీనికంటే ముందు 1990లో మే 9న విడుదలైన ‘జగదేకవీరుడు అతిలోకసుందరి’ సినిమా విడుదలై బ్లాక్ బస్టర్ హిట్ అయ్యింది. ఇక 1986లో చిరంజీవి నటించిన ‘వేట’ మూవీ మే 28న విడుదలైంది. మొత్తంగా మే లో విడుదలైన గ్యాంగ్ లీడర్,జగదేకవీరుడు అతిలోకసుందరి రెండు బ్లాక్ బస్టర్స్ హిట్స్ అయ్యాయి.మొత్తంగా మెగాస్టార్కు రెండు ఇండస్ట్రీ హిట్స్ వచ్చిన మే నెలలో ఇపుడు ‘ఆచార్య’ సినిమా విడుదల కానుండటంతో ఈ సినిమాపై మెగాభిమానుల్లో ఆసక్తి నెలకొంది. మరి మే నెలలో ఆచార్యగా రాబోతున్న మెగాస్టార్ ఇండస్ట్రీ హిట్ కొడతాడో లేదో అనేది వేచి చూడాలి.