స్టార్ డైరెక్టర్ శంకర్ కొన్నేళ్ల క్రితం భారతీయుడు సినిమా కు సీక్వెల్ గా ఇండియన్ 2 సినిమా ను తెరకెక్కిస్తున్నట్టు ప్రకటన చేసిన సంగతి తెలిసిందే.కమల్ హీరో గా తెరకెక్కుతున్న ఈ సినిమా ఆ తర్వాత రోజుల్లో వివాదా ల్లో చిక్కుకోవడం శంకర్సినిమా పనులను ఆపేసి గేమ్ ఛేంజర్ సినిమా ను మొదలుపెట్టారు. అయితే ఆ తర్వాత రోజు ల్లో సమస్య పరిష్కారం కావడం తో శంకర్ ఇండియన్ 2 సినిమా తో బిజీ అయ్యారు.అయితే ఈ సినిమా షూటింగ్ లో పాల్గొన్న క్యారెక్టర్ ఆర్టిస్ట్ వివేక్, మలయాళ నటుడు నెడుముడి వేణు కొన్ని సన్నివేశాల షూట్ పూర్తైన తర్వాత మృతి చెందారు. ఆ సన్నివేశాలను ఇప్పుడు రీషూట్ చేయాలంటే ఎక్కువ మొత్తం ఖర్చు చేయాల్సి ఉంటుంది. అయితే టెక్నాలజీని వాడుకునే విషయం లో శంకర్ జాగ్రత్త గా ఉంటారనే సంగతి తెలిసిందే. అయితే హాలీవుడ్ టెక్నాలజీ ని ఉపయోగించి వివేక్, నెడుముడి వేణు సీన్లను చూపించనున్నారని సమాచారం.

గతంలో ఎప్పుడూ చేయని ప్రయోగాలను ఈ సినిమా కోసం మేకర్స్ చేస్తున్నారని తెలుస్తోంది. కమల్ హాసన్ ను గ్రాఫిక్స్ సహాయం తో ఈ సినిమా లో యంగ్ గా చూపించనున్నారని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది. శంకర్ చేస్తున్న ఈ ప్రయోగాలు సినిమాకు ప్లస్ అవుతాయో లేక మైనస్ అవుతాయో తెలియాల్సి ఉంది.డైరెక్టర్ శంకర్ రెమ్యునరేషన్ ప్రస్తుతం 40 కోట్ల రూపాయల రేంజ్ లో ఉందని తెలుస్తోంది. శంకర్ కు గత కొన్నేళ్లుగా వరుస షాకులు తగులుతున్నాయనే సంగతి తెలిసిందే. శంకర్ డైరెక్షన్ స్కిల్స్ మీద ప్రేక్షకుల్లో నమ్మకం సన్నగిల్లుతోంది. శంకర్ తర్వాత ప్రాజెక్ట్ లతో అయినా సక్సెస్ ట్రాక్ లోకి వస్తారేమో చూడాల్సి ఉంది. శంకర్ ను అభిమానించే అభిమానుల సంఖ్య అంతకంతకూ పెరుగుతుండటం గమనార్హం.

మరింత సమాచారం తెలుసుకోండి: