టాలీవుడ్ ఇండస్ట్రీ లో దర్శకుడిగా తనకంటూ ఒక మంచి గుర్తింపును సంపాదించుకున్న వారిలో వెంకి అట్లూరి ఒకరు. ఈయన ఇప్పటి వరకు చాలా సినిమాలకు దర్శకత్వం వహించాడు. అందులో ఒకటి , రెండు సినిమాలను మినహాయిస్తే అన్ని సినిమాలతో కూడా మంచి విజయాలను సొంతం చేసుకున్నాడు. దానితో ఈయనకు దర్శకుడిగా మంచి గుర్తింపు వచ్చింది. ఆఖరుగా వెంకీ అట్లూరి మలయాళ నటుడు దుల్కర్ సల్మాన్ హీరోగా లక్కీ భాస్కర్ అనే సినిమాను రూపొందించాడు.

ఈ మూవీ లో మీనాక్షి చౌదరి హీరోయిన్గా నటించగా ... జీ వి ప్రకాష్ కుమార్ ఈ మూవీ కి సంగీతం అందించాడు. సితార ఎంటర్టైన్మెంట్ బ్యానర్ పై సూర్య దేవర నాగ వంశీ ఈ మూవీ ని నిర్మించాడు. ఈ సినిమా మంచి విజయం సాధించింది. ఇకపోతే వెంకీ అట్లూరి తన తదుపరి మూవీ ని తమిళ నటుడు అయినటువంటి సూర్యతో చేయబోతున్నాడు. ఇప్పటికే అందుకు సంబంధించిన విషయాన్ని కూడా సూర్య చెప్పుకొచ్చాడు. ఇది ఇలా ఉంటే సూర్య , వెంకీ అట్లూరి కాంబోలో తెరకెక్కబోయే సినిమాను సితార ఎంటర్టైన్మెంట్ బ్యానర్ పై సూర్య దేవర నాగ వంశీ నిర్మించబోతున్నాడు. ఇకపోతే ఈ మూవీ ని అత్యంత భారీ బడ్జెట్ తో ఎంతో ప్రతిష్టాత్మకంగా నిర్మించబోతున్నట్లు తెలుస్తోంది.

ప్రస్తుతం అందుతున్న సమాచారం ప్రకారం సూర్య , వెంకీ అట్లూరి కాంబోలో రూపొందబోయే సినిమాను నాగ వంశీ ఏకంగా 120 కోట్ల భారీ బడ్జెట్ తో రూపొందించబోతున్నట్లు తెలుస్తోంది. ఇప్పటి వరకు వెంకీ అట్లూరి తక్కువ బడ్జెట్ సినిమాలను , మీడియం బడ్జెట్ సినిమాలను రూపొందించాడు. కానీ సూర్య మూవీతో భారీ బడ్జెట్ మూవీ ని రూపొందించబోతున్నట్లు తెలుస్తోంది. ఇది ఇలా ఉంటే సూర్య తాజాగా రెట్రో అనే సినిమాతో ప్రేక్షకులను పలకరించాడు. ప్రస్తుతం ఈ సినిమా థియేటర్లలో విజయవంతంగా ప్రదర్శించబడుతుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

05/05/2025 10:05 AM