చాలా సంవత్సరాల క్రితం అల్లు అర్జున్ హీరోగా సుకుమార్ దర్శకత్వంలో శ్రీ వెంకటేశ్వర క్రియేషన్స్ బ్యానర్ పై దిల్ రాజు "ఆర్య" అనే మూవీ ని నిర్మించిన విషయం మనకు తెలిసిందే. ఈ మూవీ ఆ సమయంలో అద్భుతమైన విజయాన్ని సొంతం చేసుకుంది. ఈ మూవీ ద్వారా అల్లు అర్జున్ కి సుకుమార్ కి దిల్ రాజ్ కి అద్భుతమైన గుర్తింపు వచ్చింది. ఇకపోతే ఈ సినిమా తర్వాత అల్లు అర్జున్ హీరోగా సుకుమార్ దర్శకత్వంలో ఆర్య 2 అనే మూవీ వచ్చింది. ఈ మూవీ ని దిల్ రాజు నిర్మించాడు. మంచి అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర భారీ కలెక్షన్లను వసూలు చేయడంలో విఫలం అయింది.

కానీ ఈ సినిమాకు ప్రేక్షకుల నుండి మాత్రం మంచి రెస్పాన్స్ లభించింది. గత కొంత కాలంగా దిల్ రాజు "ఆర్య 3" అనే సినిమాను నిర్మించడానికి ప్లాన్ చేస్తున్నాడు అని , అందులో భాగంగా ఫిలిం ఛాంబర్ లో టైటిల్ని కూడా రిజిస్టర్ చేయించాడు , ఈ మూవీ ని అల్లు అర్జున్ హీరోగా కాకుండా తన సోదరుడి కుమారుడు అయినటువంటి ఆశిష్ హీరోగా రూపొందించబోతున్నట్లు ఓ వార్త వైరల్ అయింది. తాజాగా దిల్ రాజు ఇంటర్వ్యూలో పాల్గొన్నాడు. అందులో భాగంగా మీరు ఆర్య 3 అనే మూవీ ని నిర్మించాలి అనుకుంటున్నారా ..? అనే ప్రశ్న ఎదురయింది.

దానికి దిల్ రాజు సమాధానం చెబుతూ ... కొంత కాలం క్రితం నేను ,  సుకుమార్ మాట్లాడుకుంటున్నప్పుడు ఒక చిన్న ఐడియా తట్టింది. దానిని ఆర్య 3 అనే టైటిల్తో రూపొందిస్తే బాగుంటుంది అని అనుకున్నాం. దానికి సుకుమార్ దర్శకుడిగా ఉండడు. అద్భుతమైన పనితనంతో ఎవరైనా ఆ సినిమా కోసం పని చేస్తే అతన్ని మూవీ కి దర్శకుడుగా పెట్టుకుంటాం. ఇక ఆ సినిమాలో ఆశిష్ హీరోగా నటిస్తాడు అని వార్తలు వస్తున్నాయి. అందులో వాస్తవం లేదు. కథ మొత్తం పూర్తి అయ్యాక హీరోగా ఎవరు ఉంటారు అనేది డిసైడ్ అవుతుంది అని దిల్ రాజు చెప్పుకొచ్చాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

25/06/2025 07:32 AM