‘కల్కి 2’ మూవీ విషయంలో కూడా ఇదే రూమర్ తిరుగుతోంది. ఈ సినిమాలో మొదట దీపికా పదుకొనేని హీరోయిన్‌గా అనుకున్నా, చివరికి ఆమెను ప్రాజెక్ట్ నుండి తప్పించారు. అయితే దానికి గల కారణాన్ని అధికారికంగా ప్రకటించకపోయినా, ఆర్థిక సమస్యలు, డిమాండ్లు ప్రధాన కారణమని సినీ వర్గాలు చెబుతున్నాయి. ఇది ఒక్క సంఘటన మాత్రమే కాదు — ఇంతకుముందు కూడా సందీప్ రెడ్డి వంగా డైరెక్ట్ చేస్తున్న ‘స్పిరిట్’ సినిమాలో దీపికాను రీప్లేస్ చేసిన విషయం అందరికీ తెలిసిందే. ఈ రెండు సినిమాల నుంచి ఆమెను తొలగించడంతో, సోషల్ మీడియాలో దీపికా పేరు మళ్లీ హాట్ టాపిక్‌గా మారిపోయింది.
ఇక దీపికా తర్వాత ఇండస్ట్రీలో ఇప్పుడు ఇలాంటి ట్రెండ్‌లో ఉన్న మరో హీరోయిన్ పేరు కూడా వైరల్ అవుతోంది. ఆమె మరెవరో కాదు — నయనతార.సినీ సర్కిల్స్ టాక్ ప్రకారం, నయనతార కూడా కొన్నిసార్లు దీపికా తరహాలోనే ప్రవర్తిస్తుందని, మేకర్స్‌కి కొన్ని కఠినమైన కండిషన్స్ పెడుతుందని తెలుస్తోంది. ముఖ్యంగా, సినిమా ప్రమోషన్స్‌కి హాజరు కావడం ఇష్టం లేకపోవడం, “నేను ముందుగానే చెప్పాను, ప్రమోషన్‌లకు రాను” అని స్పష్టంగా తెలియజేయడం వంటివి నిర్మాతలను కాస్త అసహనానికి గురి చేస్తున్నాయట.ఇదే కాదు, నయనతార తన ఇద్దరు పిల్లలను చూసుకోవడానికి స్పెషల్ కేర్ టేకర్స్, ఆయాలను షూటింగ్ స్పాట్‌కి తీసుకెళ్తుందట. ఆ ఖర్చు కూడా మూవీ మేకర్స్ భరించాలి అని కండిషన్ పెడుతుందనే టాక్ వినిపిస్తుంది.
ఇలాంటి పరిస్థితుల్లో, ఇండస్ట్రీలో కొందరు నిర్మాతలు “దీపికా విషయంలో ‘కల్కి 2’ మేకర్స్ తీసుకున్న నిర్ణయం చాలా సరైనది. అదే విధంగా నయనతార విషయంలో కూడా ప్రొడ్యూసర్లు సీరియస్‌గా ఆలోచించాలి” అంటూ రియాక్ట్ అవుతున్నారు.దీనితో, నయనతార ఫ్యాన్స్ మాత్రం షాక్ అయ్యారు. “మా ఫేవరెట్ హీరోయిన్ గురించి ఇలాంటివి ఎలా చెబుతారు?” అంటూ సోషల్ మీడియాలో కౌంటర్ చేస్తున్నారు. కానీ సినీ సర్కిల్స్ మాత్రం “ఇండస్ట్రీలో ప్రొఫెషనలిజం ముఖ్యమని, ఎక్కువ షరతులు పెట్టడం వలన పెద్ద ప్రాజెక్టులు కోల్పోతారు” అని చెబుతున్నారు. ఇలా ఒకవైపు దీపికా పదుకొనే పేరు ట్రోలింగ్‌లో మునిగిపోగా, మరోవైపు నయనతార పేరు కూడా అదే మార్గంలో నడుస్తోందన్నది ఇప్పుడు ఇండస్ట్రీలో హాట్ టాపిక్ గా మారిపోయింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి