అయితే కొత్త ప్రభాకర్ రెడ్డి చేసిన వ్యాఖ్యలపై తాజాగా గులాబీ పార్టీ వర్కింగ్ ప్రెసిడెంట్ కల్వకుంట్ల తారకరామారావు కూడా స్పందించారు. దుబ్బాక ఎమ్మెల్యే కొత్త ప్రభాకర్ రెడ్డి చేసిన వ్యాఖ్యలు అక్షర సత్యం అంటూ మద్దతు తెలిపారు కేటీఆర్. రేవంత్ రెడ్డి ప్రభుత్వాన్ని దించే ప్రయత్నం తాము చేయబోమని వివరించారు. రేవంత్ రెడ్డి ప్రభుత్వాన్ని దించే ఆలోచన కూడా తమకు... లేదని క్లారిటీ ఇచ్చారు కేటీఆర్. ఈ విషయాన్ని స్వయంగా కేసీఆర్ తమతో చర్చించారని కూడా గుర్తు చేశారు.
ఐదు సంవత్సరాలపాటు సీఎం రేవంత్ రెడ్డి కొనసాగాలని.. అప్పుడే గులాబీ పార్టీకి మంచి ప్లస్ అవుతుందని కూడా అంచనా వేశారు కేటీఆర్. అయితే తెలంగాణ ప్రజలు, వ్యాపారస్తులు అందరూ కలిసి తమ వద్దకు వస్తున్నారని కూడా వెల్లడించారు కేటీఆర్. చందాలు వేసుకొని మరి ఎమ్మెల్యేలను కొంటామని... తమ సహాయాన్ని వాళ్ళు అడుగుతున్నట్లు కేటీఆర్ వివరించారు. ఇదే విషయాన్ని దుబ్బాక ఎమ్మెల్యే కొత్త ప్రభాకర్ రెడ్డి స్పష్టం చేసినట్లు వెల్లడించారు కల్వకుంట్ల తారక రామారావు.
హైదరాబాద్ సెంట్రల్ యూనివర్సిటీ విషయంలో.. తాము చెప్పిందే నిజమైందని కూడా కేటీఆర్ ఈ సందర్భంగా పేర్కొన్నారు. అక్కడ భూములు ఎవరు కొనుగోలు చేసిన నష్టపోతారని హెచ్చరించారు. వచ్చేది గులాబీ పార్టీ సర్కార్ అంటూ.. సంచలన వ్యాఖ్యలు చేశారు గులాబీ పార్టీ వర్కింగ్ ప్రెసిడెంట్ కేటీఆర్. రేవంత్ రెడ్డి పగటి కలలు మానుకోవాలని చురకలంబించారు. గులాబీ ప్రభుత్వం ఏర్పాటు అయిన తర్వాత... హైదరాబాద్ సెంట్రల్ యూనివర్సిటీ విషయంలో అన్ని చర్యలు తీసుకుంటామన్నారు. విద్యార్థులకు న్యాయం చేస్తామని హామీ ఇచ్చారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి