ఇక ఇప్పుడు దేశవ్యాప్తంగా మాత్రమే కాదు ప్రపంచవ్యాప్తంగా కూడా ఇలా ఎలక్ట్రికల్ వెహికల్స్ అందుబాటులోకి వచ్చాయి అన్న విషయం తెలిసిందే. ఇక ఇండియాలో కూడా ప్రముఖ కార్ల తయారీ కంపెనీలు ఇప్పటికే ఎలక్ట్రికల్ కార్లు ఆటోలు బైక్లను సైతం విక్రయిస్తూ ఉన్నాయి. దీంతో ఇక ఎంతోమంది ఇలాంటి వాహనాలు వాడటం వైపే ఎక్కువగా ముగ్గు చూపుతున్నారు అని చెప్పాలి. అయితే పర్యావరణ కాలుష్యం తగ్గించడంలో ఎలక్ట్రికల్ వాహనాలు ఎంతో కీలకపాత్ర వహిస్తున్నాయని అందరు అనుకుంటుండగా.. ఇప్పుడు ఒక షాకింగ్ విషయం వెలుగులోకి వచ్చింది.
ఏకంగా డీజిల్ పెట్రోల్ వాహనాల కంటే ఎలక్ట్రికల్ వాహనాల ద్వారానే పర్యావరణ కాలుష్యం ఎక్కువగా జరుగుతుందట. ఎమిషన్ అనలిటిక్స్ అనే సంస్థ రెండు రకాల కార్లలోని బ్రేకింగ్ టైర్ల నుంచి విడుదలయ్యే రేణువులపై అధ్యయనం చేసింది. ఈ అధ్యాయంలో షాకింగ్ విషయాలు బయటపడ్డాయి. సాధారణ కార్ల ఇంజన్ కంటే ఎలక్ట్రికల్ వెహికల్స్ బ్యాటరీలు ఎక్కువగా బరువుగా ఉంటాయట. దీంతో బ్రేక్ వేసినప్పుడు టైర్లపై అధిక ఒత్తిడి ఏర్పడి హానికారిక రసాయనాలను గాలిలోకి విడుదల చేస్తాయని.. అధ్యయనంలో బయటపడింది. ఇది పెట్రోల్ డీజిల్ కార్ల నుంచి విడుదలయ్యే వాటికంటే ఇక ఎంతో ప్రమాదకరం అంటూ వెల్లడించింది. అయితే సింథటిక్ రబ్బర్, ముడి చమురుతో టైర్లు తయారు చేస్తుండడమే ఇందుకు కారణమని ఇక పరిశోధకులు గుర్తించారు. అయితే గతంలో ఐఐటీ కాన్పుర్ నిర్వహించిన అధ్యయనం కూడా ఇదే విషయాన్ని వెల్లడించింది.
