ఈ అరుణ.. ఒకప్పుడు ఎన్జీవో నడిపిన సామాజిక కార్యకర్త. ఖైదీల కోసం పని చేస్తానని చెప్పుకుంటూ జైలులో రాకపోకలు కలిగిన ఆమె, వాస్తవానికి శ్రీకాంత్ ప్రియురాలు అని మాటలు వినిపిస్తున్నాయి. అయితే కొందరు ఆమెను అతడి భార్యే అంటున్నారు. ఆధారాలు లేవు కానీ ఆమె ప్రభావం మాత్రం ఏ స్థాయిలో ఉందో ఈ పెరోల్ డ్రామా చెప్పేస్తోంది. వీడియోలు.. పోస్టులు.. సంచలనాలు! .. పెరోల్ తో బయటకు వచ్చిన శ్రీకాంత్ తో అరుణ విందులు, సన్నిహిత క్షణాలు ఉన్న వీడియోలు బయటకు రావడం పెద్ద కలకలం రేపింది. ఇంతలోనే కారు డిక్కీలో కూర్చుని తాను తీసుకున్న సెల్ఫీ వీడియో ను అరుణ సోషల్ మీడియాలో పోస్టు చేయడం మరింత సంచలనమైంది. ఆ పోస్టులో – “మమ్మల్ని వాడుకున్నారు.. ఇప్పుడు వదిలేశారు. మా ప్రతిష్టను దిగజారుస్తున్నారు. ఇక మౌనంగా ఉండను. ఎవరి బండారమో బయటపెడతా. ఎవరైనా ఏం చేస్తారు? మహా అయితే చంపేస్తారు” అంటూ షాకింగ్ స్టేట్‌మెంట్స్ ఇచ్చింది. పెరోల్ రద్దు – అరుణ అరెస్ట్! .. ఈ వ్యవహారం మీడియాలో హాట్ టాపిక్ కావడంతో, హోంశాఖ తక్షణం స్పందించి శ్రీకాంత్ పెరోల్‌ను రద్దు చేసింది. రాష్ట్ర చరిత్రలో ఇంతవరకు ఇవ్వబడిన పెరోల్ రద్దు చేయబడిన సందర్భం ఇదే తొలిసారి అని చెబుతున్నారు.
ఇక అంతేకాకుండా, అక్రమ పద్ధతుల్లో పెరోల్ ఇప్పించిందన్న కారణంతో అరుణను పోలీసులు అరెస్ట్ చేశారు. పోలీసు శాఖలో కలకలం .. అయితే అసలైన సంచలనం పోలీసు శాఖలోనే మొదలైంది. ఒక సాధారణ ఎన్జీవో కార్యకర్తలా కనిపించే అరుణకు ఇలా అధికారులను ప్రభావితం చేసే స్థాయి ఎలా వచ్చిందన్న ప్రశ్నలు వేడెక్కుతున్నాయి. హోంశాఖలో ఉన్న సంబంధాలు, డబ్బు లావాదేవీలు లేదా మరేదైనా బలంతోనే ఈ మాంత్రికం జరిగిందా? అన్నది ఇప్పటి హాట్ డిబేట్. శ్రీకాంత్ – అరుణ పెరోల్ కథనం ఇప్పుడు ఏపీ రాజకీయాలు, పోలీసు శాఖ, మీడియా లో పెద్ద రచ్చగా మారింది. జైలు గోడల వెనుక ఉన్న నేరాలు, జైలు బయట జరుగుతున్న సంబంధాలు – ఈ రెండూ కలిసి బయటపడ్డప్పుడు ఎంత పెద్ద కలకలం రేపుతాయో ఈ సంఘటన స్పష్టంగా చూపించింది. అరుణ నోరు విప్పితే ఇంకా ఎన్ని బాంబులు పేలుతాయో? అన్నదే ఇప్పుడు అందరి కుతూహలం!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి