తాజాగా.. ఆస్ట్రేలియాలోని కాన్ బెర్రా విశ్వవిద్యాలయ భాగస్వామ్యంతో నిర్వహించిన ఈ అధ్యయనంలో చిన్ననాటి అనుభవాలు, పెద్దయ్యాక ఎలా ప్రభావం ఉంటుంది..? ఇక ఈ అనుభవాలు మానసిక ఆరోగ్యంతో ఎలా సంబంధం కలిగి ఉంటాయి? వంటి ప్రశ్నలపై అధ్యయనం జరుగుతుంది. దాని ఫలితాలు ఆసక్తికరంగా వచ్చినట్లు తెలిపారు. అయితే బాల్యంలోని సానుకూల, ప్రతికూల అనుభవాలు యుక్తవయస్సులో ఆందోళన లేదా ఇతర మానసిక రుగ్మతలకు కారణమవుతాయని పరిశోధకులు వెల్లడించారు.
అయితే ఈ అధ్యయనం ఆస్ట్రేలియాకు చెందిన 4 నుంచి 11 సంవత్సరాల మధ్య గల 3,14,000 మంది బాలబాలికపై పరిశోధనలు చేశారు. ఇక ఆస్ట్రేలియాలో ఎక్కువ మంది ప్రజలు బాల్యంలో సంతోషంగా జీవించినప్పటికీ, అందులో దాదాపు 50 శాతం మంది యుక్తవయస్సుకు వచ్చాక వారి జీవితంలో ఏదో ఒక సమయంలో మానసిక ఒత్తిడి చెందుతున్నారని పేర్కొన్నారు. కాగా.. మానసిక ఆరోగ్య పరిస్థితులను బాల్యంలోని జీవిత సంఘటనలను బట్టి నిర్వచించలేమని అధ్యయనం స్పష్టం చేసినట్లు తెలిపారు.