పాలకూరను పిల్లలకు అందివ్వడం వల్ల సరైన పోషకాలు శరీరానికి అంది పిల్లలు తరచూ రోగాల బారిన పడకుండా ఆరోగ్యంగా ఉంటారు. అంతేకాదు శరీరంలో ఎముకల పటుత్వానికి కావలసిన కాల్షియం లభిస్తుంది. అంతేకాదు ఇందులో ఉండే యాంటీ ఆక్సిడెంట్స్ కారణంగా రోగనిరోధక శక్తి పెరుగుతుంది. పైగా పాలకూరలో ఎన్నో ఆరోగ్యకరమైన పోషకాలు, విటమిన్లు, ఖనిజాలు , లవణాలు లభిస్తాయి. వీటివల్ల పిల్లలకే కాదు పెద్దలకి కూడా ఆరోగ్య ప్రయోజనాలను కలిగిస్తుంది. ఇక పాలకూరలో ఉండే విటమిన్ ఏ కారణంగా దృష్టి లోపాన్ని నివారించవచ్చు. ముఖ్యంగా రేచీకటి ఉన్నవారు పాలకూరను తరచూ తమ వంటల్లో చేర్చుకోవడం వల్ల సమస్య నుంచి బయటపడవచ్చు.
అంతేకాదు దూరదృష్టి, సూక్ష్మదృష్టి ఉన్నవారు కూడా పాలకూరను తమ ఆహారంలో చేర్చుకోవడం వల్ల కంటి సమస్యలను నయం చేసుకోవచ్చు. మరి పాలకూరలో ఉండే విటమిన్ C చర్మాన్ని కాంతివంతంగా, మృదువుగా చేస్తుంది. చలికాలంలో వచ్చే చర్మ సంబంధిత సమస్యలను కూడా దూరం చేసుకోవచ్చు అలాగే గుండె సమస్యలను రాకుండా చూస్తుంది.రక్త సరఫరా లో మెరుగుపరుస్తుంది.పాలకూరలో ఉండే మెగ్నీషియం మన శరీరానికి ఎంతో మేలు చేస్తుంది.శక్తి ఎక్కువగా శరీరానికి అందేలా చేస్తుంది. శారీరక శ్రమ చేసేవారికి, నిత్యం బయట తిరిగేవారికి పాలకూర చక్కగా పనికొస్తుంది. దీంతో శరీరంలో ఎనర్జీ లెవెల్స్ పెరుగుతాయి. పాలకూర తరచూ తినడం వల్ల నీరసం, నిస్సత్తువ, కళ్ళు తిరగడం వంటి సమస్యలను కూడా దూరం చేసుకోవచ్చు.
