బీర్‌ తాగితే ఎన్నో అద్భుతమైన లాభాలు పొందవచ్చు. అయితే కేవలం ఇలా తాగితేనే లాభాలు ఉంటాయి. లేదంటే సమస్యలు తప్పవు. అవును బీర్ ను మితంగా తీసుకోవడం వల్ల చాలా మేలు పొందవచ్చు. బీర్ మితంగా తాగితే మధుహేహం వచ్చే ప్రమాదం తగ్గుతుందని చెబుతున్నారు నిపుణులు. బీర్ తాగటం వల్ల ఇన్సులిన్ సెన్సిటివిటీని మెరుగుపరుస్తుందని పరిశోధకులు చెబుతున్నారు. ఒక అధ్యయనం ప్రకారం, బీర్ మితంగా తాగేవారిలో మధ్య వయస్కులు, వృద్దుల్లో టైప్ 2 డయాబెటిస్ వచ్చే ప్రమాదాన్ని నివారిస్తుందని సూచించారు. అంతేకాదు, బీర్‌లోని సిలికాన్ ఎముకల ఆరోగ్యానికి మంచిదని ఆరోగ్య నిపుణులు చెబుతున్నారు. బీర్ అనేది డైటరీ సిలికాన్ మూలం. ఇది ఎముకల ఆరోగ్యానికి ముఖ్యమైన ఖనిజం. అప్పుడు బీర్ మితంగా తాగడం వల్ల ఎముకల సాంద్రత పెరగడంతోపాటు ఎముకలు పలచబడటాన్ని నిరోధిస్తుంది. ఆస్టియోపోరోసిస్ వంటి వ్యాధుల ప్రమాదాన్ని తగ్గించవ్చని పలు అధ్యయనాలు సూచిస్తున్నాయి. బీర్‌లోని ఎలక్ట్రోలైట్స్ వ్యాయామం తర్వాత కండరాల పునరుత్పత్తికి సహాయపడతాయి.


వేసవి కాలంలో లో బీర్ అనేది చాలా మంచి డ్రింక్ అంటున్నారు ఆరోగ్య నిపుణులు.ఎందుకంటే బీర్‌లో నీరు సమృద్ధిగా ఉంటుంది. శరీరానికి అవసరమైన ఖనిజాలు కూడా ఉన్నాయి. మితంగా తీసుకునే బీర్‌ వల్ల మీ మానసిక ఆరోగ్యం మెరుగవుతుంది. బీరును తక్కువ మొత్తంలో తీసుకోవడంవల్ల ఒత్తిడి తగ్గడంతోపాటు ఆందోళనను తగ్గిస్తుందని చెబుతున్నారు. బీరులో నీటి శాతం ఎక్కువగా ఉండటం వల్ల డీహైడ్రేషన్‌ను నివారించడంలో సహాయపడుతుంది. అంతేకాదు, బీర్‌లో బి విటమిన్లు, పొటాషియం, మెగ్నీషియం వంటి పోషకాలు ఉంటాయి. బీర్‌లోని యాంటీ ఆక్సిడెంట్లు శరీరంలోని ఫ్రీ రాడికల్స్‌ నుంచి రక్షణ కల్పిస్తాయి. మితంగా బీర్ తాగడం వల్ల గుండె జబ్బులు వచ్చే అవకాశాలు తగ్గుతాయని కొన్ని పరిశోధనలు సూచిస్తున్నాయి. బీర్‌ మితంగా తీసుకుంటే జీర్ణక్రియను మెరుగుపరుస్తుంది. బీర్‌లో ఉండే కరిగే ఫైబర్, యాంటీ ఇన్‌ఫ్లమేటరీ లక్షణాలు జీర్ణక్రియకు దోహదపడతాయి. కాబట్టి మితంగా తాగండి. అద్భుతమైన ప్రయోజనాలు ఈజీగా పొందండి.

మరింత సమాచారం తెలుసుకోండి:

Health Tips

Purushottham Vinay

19/03/2024 09:24 PM