విరేచనాలు, దగ్గు, జలుబు వంటి సమస్యలు తక్కువగా వస్తాయి. రక్తం శుద్ధి కావడం వల్ల ముఖానికి మెరుపు వస్తుంది. మొటిమలు తగ్గిపోతాయి. యాంటీ ఏజింగ్ గుణాలు ఉండటం వల్ల వృద్ధాప్య లక్షణాలు ఆలస్యంగా వస్తాయి. నల్ల ఎండు ద్రాక్షలో ఫైబర్ అధికంగా ఉండటంతో జీర్ణక్రియకు ఎంతో మేలు చేస్తుంది. పేగుల్లో నిగ్ధతను పెంచి మలబద్ధకం, గ్యాస్, అజీర్ణం వంటి సమస్యల నుంచి ఉపశమనం ఇస్తుంది. శరీరానికి తక్షణ శక్తిని అందించగల నేచురల్ స్నాక్ ఇది. శరీరంలోని అలసట, బలహీనతను పోగొడుతుంది. ప్రత్యేకంగా విద్యార్థులు, ఉద్యోగస్తులు, కృషి చేసే వారు దీనిని ఉదయం తీసుకుంటే మంచి ఫలితాలు పొందవచ్చు. నల్ల ఎండు ద్రాక్షల్లో ఉండే న్యూట్రియంట్లు మెదడు ఆరోగ్యాన్ని కాపాడతాయి.
మెంటల్ అలర్ట్‌నెస్ పెరుగుతుంది, జ్ఞాపకశక్తి బలోపేతం అవుతుంది. ఒత్తిడి తగ్గుతుంది. ఇందులో ఉండే యాంటీ ఆక్సిడెంట్లు, పొటాషియం గుండె జబ్బులను నివారించడంలో సహాయపడతాయి. ఇది మంచి కొలెస్ట్రాల్‌ను పెంచి చెడు కొలెస్ట్రాల్‌ను తగ్గిస్తుంది. నల్ల ద్రాక్షలో కేల్షియం, బోరాన్ వంటి ఖనిజాలు ఉండటం వలన ఎముకలు బలపడతాయి. పెద్దవారిలో ఎముకల నొప్పులు, ఆస్టియోపోరోసిస్ రాకుండా చేస్తుంది. ప్రత్యేకించి మహిళల్లో PCOD/PCOS సమస్యలను తగ్గించడంలో సహాయపడుతుంది. హార్మోన్ల సమతుల్యతను మెరుగుపరుస్తుంది. 5 నుండి 10 నల్ల ఎండు ద్రాక్షలు రాత్రి నానబెట్టి, ఉదయం ఖాళీ కడుపుతో తినాలి. నానబెట్టిన నీళ్లు కూడా తాగవచ్చు. గర్భిణీలు డాక్టర్ సూచన మేరకు తీసుకోవాలి. డయాబెటిస్ ఉన్నవారు పరిమితంగా మాత్రమే తీసుకోవాలి. ఒకే రోజు అధికంగా తినకూడదు – నాభి పరిసరంగా వేడి లేదా గ్యాస్ సమస్యలు రావచ్చు. మంచి నాణ్యత ఉన్న ఎండు ద్రాక్షలు మాత్రమే వాడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి