యంగ్ టైగర్ ఎన్టీఆర్ కు టాలీవుడ్ లో మాస్ హీరోగా ప్రత్యేక స్థానం ఉంది. బాల నటుడిగా మొదలైన ఆయన నట ప్రస్థానం అతి తక్కువ కాలంలోనే వేగం అందుకుంది. హీరోగా చేసిన నిన్ను చూడాలని సినిమా కంటే మూడేళ్ల ముందే ఓ సంచలన సినిమాతో ఎంట్రీ ఇచ్చాడు. ప్రముఖ నిర్మాత ఎంఎస్ రెడ్డి నిర్మాణంలో శబ్దాలయా ధియేటర్స్ బ్యానర్ పై దర్శకుడు గుణశేఖర్ రూపొందించిన ‘రామాయణం’ సినిమాతో బాల నటుడిగా ఎంట్రీ ఇచ్చాడు. ఈ సినిమా విడుదలై నేటికి 24ఏళ్లు పూర్తయ్యాయి.
1996 ఏప్రిల్ 14న విడుదలైన ఈ సినిమా ప్రేక్షకాదరణ పాందింది. తాత ఎన్టీఆర్ అంశతోనే రాముడి పాత్రతో తెరంగేట్రం చేశాడు ఎన్టీఆర్. రాముడి పాత్రకు తెలుగు ప్రేక్షకుల గుండెల్లో గుడి కట్టుకుని స్థిరపడిపోయిన నటుడు ఎన్టీఆర్. ఆయన మనవడిగా ఆయన పోలికలతోనే ఉన్న జూ.ఎన్టీఆర్.. ఈ సినిమాలో రాముడి పాత్రతోనే తెరంగేట్రం చేయడం యాధృచ్చికమే. మొత్తం బాలనటులతోనే ఈ సినిమాను తెరకెక్కించాడు గుణశేఖర్. వీరందరికీ నటనలో తర్ఫీదును ఇప్పించి సినిమా తీసి పెద్ద సాహసమే చేశారు ఎంఎస్ రెడ్డి. గుణశేఖర్ మాయాజాలంతో ఈ సినిమా అద్భుతంగా ఆడింది. రాముడి పాత్రలో ఎన్టీఆర్ కు మంచి మార్కులు పడ్డాయి.
ఈ సినిమాతో నందమూరి వంశం నుంచి మూడో తరం హీరోగా ఎంట్రీ ఇవ్వడానికి కారణమైంది. రాష్ట్రస్థాయి అవార్డులతో పాటు జాతీయస్థాయిలో చిన్న పిల్లల సినిమా విభాగంలో ఉత్తమ చిత్రంగా ఎంపికైంది. స్మితా మాధవ్ సీతగా, స్వాతి బాలినేని రావణుడిగా నటించారు. ఈ సినిమా తర్వాత మూడేళ్లకు నిన్ను చూడాలని సినిమాతో హీరోగా ఎంట్రీ ఇచ్చాడు ఎన్టీఆర్. అతి తక్కువ కాలంలోనే స్టార్ హీరోగా ఎదిగిపోయాడు. ప్రస్తుతం ఆర్ఆర్ఆర్ లో రామ్ చరణ్ తో కలిసి మల్టీస్టారర్ మూవీ చేస్తున్నాడు.
24 Years for Young tiger @tarak9999, Dynamic director @Gunasekhar1, Sahajakavi #MSReddy's #Ramayanam #BalaRamayanam (14/04/1996) #24yearsforBalaRamayanam pic.twitter.com/2TuLX0dhqv
— BARaju (@baraju_SuperHit) April 14, 2020
