తమిళంలో విజయ్ సేతుపతి త్రిష జంటగా నటించిన 96 సినిమా తెలుగులో శర్వానంద్ సమంత జంటగా రీమేక్ చేశారు. ఈ సినిమా తమిళంలో సూపర్ హిట్ కాగా తెలుగు ప్రేక్షకులకు కూడా ఇది బాగా నచ్చుతుంది అన్న ఉద్దేశంతో నిర్మాత దిల్ రాజు తెలుగులో జను అనే పేరుతో విడుదల చేశారు. పూర్వ విద్యార్థుల సమ్మేళనం అనే కథాంశంతో బ్యూటిఫుల్ లవ్ స్టోరీగా వచ్చిన ఈ సినిమా తమిళ ప్రేక్షకులకు అయితే కనెక్ట్ అయింది కానీ తెలుగు ప్రేక్షకులకు మాత్రం అంతగా కనెక్ట్ కాలేదు. ఫలితంగా నిర్మాత దిల్ రాజుకు నష్టాలు, హీరో శర్వానంద్ సమంతలకు భారీ డిజాస్టర్ లు వచ్చాయి.
ఈ సినిమాలో నటీనటులు మారిన ఓ పాత్ర మాత్రం తెలుగు తమిళంలో ఒకరే చేశారు. అదే హీరోయిన్ చిన్నప్పుడు పాత్ర. ఈ సినిమాతో తెలుగులో, తమిళంలో మంచి క్రేజ్ తెచ్చుకున్న ఆమె పేరు నియతి. చైల్డ్ ఆర్టిస్ట్ గా చేసిన ప్రతి సినిమాలో మంచి పేరు దక్కించుకుంటూ ఇప్పుడు వరుస ఆఫర్లతో బిజీ గా మారింది. తమిళ చిత్రం 96 లో ఆమె నటనను చూసి తెలుగులో కూడా ఆమె కావాలని పట్టుబట్టారు నిర్మాత. దాంతో తెలుగులో కూడా ఆమె నటించక తప్పలేదు. ఇంత చిన్న వయసులో ఇన్ని సినిమాలతో దూసుకుపోతున్న ఈమెకు సినీ బ్యాగ్రౌండ్ ఉందట. ఆమె తల్లిదండ్రులు కూడా మనకు తెలిసిన వారే.
దేవదర్శిని, చేతన్ ఇద్దరు సినిమా రంగంలోనే కాకుండా టీవీ సీరియల్స్ లో కూడా మంచి గుర్తింపు సాధించుకున్నారు. వీరే నియతి తల్లి దండ్రులు. యాంకర్ గా, సీరియల్ నటిగా, సినిమా నటిగా మంచి గుర్తింపు తెచ్చుకున్నారు దేవదర్శిని. లేడీ కమెడియన్ గా తమిళంలో మంచి గుర్తింపు సాధించుకున్న ఈమె ఎన్నో పెద్ద హీరోల సినిమా లలో కూడా చేసింది. ఇక చేతన్ కూడా పలు సీరియల్స్ లో నటించి సపోర్టింగ్ యాక్టర్ గా రాణించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి