ఇక ఎప్పటి నుంచో ఎదురు చూసిన బుల్లితెర ప్రేక్షకులకు ఆరోజు రానే వచ్చేసింది. ఇక ఆగస్టు 23వ తేదీ నుంచి సోమవారం నుంచి గురువారం వరకు రాత్రి 8:30 గంటలకు ప్రసారమయ్యే, ఈ షో ..ఈ రోజు కర్టెన్ రైజర్ మొదలైంది. ఇక ఈ షో కి రామ్ చరణ్ గెస్ట్ గా హాజరైన విషయం తెలిసిందే. ఈ షో లో ఎన్టీఆర్ అడిగిన ప్రశ్నలకు రామ్ చరణ్ తనదైన శైలిలో సమాధానం ఇవ్వడం గమనార్హం. ఇక మొదటి నుంచి రామ్ చరణ్, ఎన్టీఆర్ లు మంచి స్నేహితులు. కాబట్టి ఎన్టీఆర్ దగ్గర ఏ విషయాన్ని దాచుకోకుండా రామ్ చరణ్ చెప్పేయడం ప్రస్తుతం అందరికీ ఆనందాన్ని కలిగించడంతో పాటు, రామ్ చరణ్ గురించి తెలియని మరికొన్ని విషయాలు కూడా వింటుంటే ప్రతి ఒక్కరు ఆశ్చర్యానికి గురి అవుతున్నారు.
అందులో భాగంగానే ఎన్టీఆర్ , రామ్ చరణ్ ను ఇలా అడిగారు.. పవన్ కళ్యాణ్ తో మీకున్న అనుబంధం ఎలాంటిది..? అని రామ్ చరణ్ ను అడగగా అప్పుడు రామ్ చరణ్, పవన్ కళ్యాణ్ తో ఉన్న తన అనుబంధాన్ని ఇలా పంచుకున్నారు. ఈ సందర్భంగా రామ్ చరణ్ మాట్లాడుతూ.." పవన్ ని బాబాయ్ అనాలో తెలియదు..అన్నా అనాలో తెలియదు..ఇక తండ్రి లాంటివాడు అనాలో తెలియదు. మొత్తానికి ఏమనాలో కూడా నాకు అర్థం కాదు.. మా రిలేషన్ బయట పెడితే ఆ బంధానికి దిష్టి తగులుతుందేమో ..అని అనిపిస్తూ ఉంటుంది" అని చరణ్ చెప్పారు. "అంతేకాదు పవన్ రిలేషన్ గురించి ఎవరు అడిగినా నేను సైలెంట్ గా ఉండి పోతానే, కానీ ఎవరికీ ఎలాంటి సమాధానం ఇవ్వను. అడిగింది నువ్వు కాబట్టి చెబుతున్నాను " అని ఈ విషయం పై క్లారిటీ ఇచ్చాడు రామ్ చరణ్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి