రానా నాయుడు అనే బోల్డ్ వెబ్ సిరీస్ ద్వారా వెంకటేష్ పరువు పోయిన సంగతి మనకు తెలిసిందే.అయితే వెంకటేష్ ని ఈ వెబ్ సిరీస్ లో చూసి చాలామంది విమర్శించారు. ఇన్ని రోజులుగా సంపాదించుకున్న గౌరవం అంతా ఒక్క వెబ్ సిరీస్ తో పోగొట్టుకున్నాడని ఎంతోమంది మాట్లాడుకున్నారు.అంతే కాదు సోషల్ మీడియా వేదికగా వెంకటేష్ పై విమర్శలు వెల్లువెత్తాయి.అయితే ఎంతమంది ఈ సిరీస్ చూసి విమర్శలు చేసినప్పటికీ ఈ వెబ్ సిరీస్ మాత్రం చాలా పెద్ద హిట్ అయింది. ముఖ్యంగా వెంకటేష్ రానా దగ్గుబాటిల కాంబో చాలా బాగా సెట్ అయిందని, సినిమాలో విపరీతమైన బూతులు ఉన్నా కూడా ఆడియన్స్ మాత్రం ఈ వెబ్ సిరీస్ కి చాలా బాగా కనెక్ట్ అయ్యారు. దాంతో ఈ వెబ్ సిరీస్ కి సీక్వెల్ గా రానా నాయుడు -2 సిరీస్ ని కూడా తీసుకురాబోతున్నారు. 

ఇదిలా ఉంటే ఈ వెబ్ సిరీస్ ద్వారా ఫేమస్ అయిన వారిలో నటి సుర్విన్ చావ్లా కూడా ఒకరు. హిందీ,పంజాబీ,తమిళ వంటి సినిమాల్లో నటించిన సుర్విన్ చావ్లా రానా నాయుడు వెబ్ సిరీస్ లో కీలకపాత్ర లో నటించింది.అయితే అలాంటి ఈ ముద్దుగుమ్మ రీసెంట్ గా ఓ టాలీవుడ్ డైరెక్టర్ పై చేసిన కామెంట్లు సంచలనం సృష్టించాయి.. ముఖ్యంగా తెలుగు ఇండస్ట్రీలోని ఓ డైరెక్టర్ అవకాశం ఇస్తానని పిలిచి అవకాశం కావాలంటే నాతో ఒక రాత్రి గడపాలని అన్నారు. అయితే ఆయనకు హిందీ రాకపోవడంతో ఆయన దగ్గర వర్క్ చేసే ఓ మహిళతో హిందీలో ఈ విషయాన్ని అడిగించారు. కానీ ఆవిడ కూడా ఒక మహిళనే.. అలాంటిది నన్ను అలా అడగడానికి ఆమెకే  ఏ మాత్రం సిగ్గనిపించలేదా..ఆడదై ఉండి మరో ఆడదాన్ని కమిట్మెంట్ కోసం అడగడం ఏంటో అంటూ మాట్లాడింది.

అయితే తాజాగా మరో ఇంటర్వ్యూలో ఇంకో డైరెక్టర్ గురించి సంచలన వ్యాఖ్యలు చేసింది సుర్విన్ చావ్లా. ఓ ఇంటర్వ్యూలో మాట్లాడుతూ..ఓ డైరెక్టర్ సినిమా స్టోరీ చెబుతానని తన క్యాబిన్ కి మీటింగ్ కోసం రమ్మన్నారు. ఇక నేను ఆ డైరెక్టర్ ని మీట్ అయ్యి స్టోరీ తెలుసుకుందామని అక్కడికి వెళ్లాను. అయితే ఆ డైరెక్టర్ స్టోరీ మొత్తం చెప్పారు. అంతా బాగానే ఉంది  ఆ తర్వాత తిరిగి నేను వెళ్తున్న సమయంలో డోర్ దగ్గరికి  సెండ్ ఆఫ్ ఇస్తానని వచ్చారు. కానీ ఆ తర్వాత డోర్ దగ్గర నిల్చొని నన్ను బలవంతంగా లాగి ముద్దు పెట్టుకోవడానికి ప్రయత్నించాడు. ఇక ఆయన చేసిన పనికి వెంటనే నేను గట్టిగా అరిచి అక్కడి నుండి ఇంటికి వచ్చేసాను.ఆ తర్వాత మళ్లీ ఆ డైరెక్టర్ చెప్పిన సినిమాలో నేను నటించలేదు.. అంటూ క్యాస్టింగ్ కౌచ్ పై సంచలనం వ్యాఖ్యలు చేసింది రానా నాయుడు వెబ్ సిరీస్ నటి సర్వీన్ చావ్లా.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

RANA NAIDU WEBSERIES SURVEEN CHAWLA VENKATESH SURVEEN CHAWLA CASTING COUCH

Pandrala Sravanthi

31/05/2025 07:51 AM