గ్లోబల్ స్టార్ రామ్ చరణ్ గురించి ప్రత్యేక పరిచయం అవసరం లేదు. చరణ్ "ఆర్ ఆర్ ఆర్" లాంటి బ్లాక్బస్టర్ విజయం తర్వాత తన తండ్రి నటించిన ఆచార్య మూవీ లో ఓ చిన్న పాత్రలో నటించాడు. భారీ అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర ఫ్లాప్ గా నిలిచింది. కానీ ఈ సినిమాలో చరణ్ నటనతో ప్రేక్షకులను బాగా ఆకట్టుకున్నాడు. ఇకపోతే ఈ సంవత్సరం సంక్రాంతి పండుగ సందర్భంగా చరణ్ నటించి గేమ్ చేంజర్ మూవీ విడుదల అయింది. అత్యంత భారీ అంచనాల నడుమ పాన్ ఇండియా మూవీ గా విడుదల అయిన ఈ సినిమా కూడా చరణ్ కి నిరాశనే మిగిల్చింది.

ప్రస్తుతం చరణ్ , బుచ్చిబాబు సనా దర్శకత్వంలో రూపొందుతున్న పెద్ది అనే సినిమాలో హీరోగా నటిస్తున్నాడు. జాన్వీ కపూర్ ఈ మూవీ లో హీరోయిన్గా నటిస్తూ ఉండగా ... శివ రాజ్ కుమార్ , జగపతిబాబు , దివ్యాంధు ఈ మూవీ లో కీలక పాత్రలలో కనిపించనున్నారు. ఏ ఆర్ రెహమాన్ సంగీతం అందిస్తున్న ఈ మూవీ ని వృద్ధి సినిమాస్ , మైత్రి సంస్థ , సుకుమార్ రైటింగ్స్ బ్యానర్ల వారు సంయుక్తంగా నిర్మిస్తున్నారు. ఈ మూవీ ని వచ్చే సంవత్సరం మార్చి 27 వ తేదీన విడుదల చేయనున్నట్లు మేకర్స్ ప్రకటించారు. ఇకపోతే తాజాగా ఈ మూవీ కి సంబంధించిన షూటింగ్ అప్డేట్ ఒకటి బయటకు వచ్చింది.

ఆ అప్డేట్ ప్రకారం ... ఈ మూవీ యొక్క నెక్స్ట్ షెడ్యూల్ నాసిక్ లో జరగబోతున్నట్లు తెలుస్తోంది. అక్టోబర్ చివరి నాటికి లేదా నవంబర్ నాటికి ఈ మూవీ కి సంబంధించిన మొత్తం షూటింగ్ను పూర్తి చేయాలి అని ఈ మూవీ దర్శకుడు బుచ్చిబాబు పక్కా ప్లాన్ చేసుకున్నట్లు తెలుస్తుంది. ఈ మూవీ యొక్క చివరి షెడ్యూల్ ను ఢిల్లీ స్టేడియంలో షూటింగ్ చేసే విధంగా ప్లాన్ చేసినట్టు తెలుస్తుంది. ఈ స్టేడియంలో ఫైనల్ మ్యాచ్ సీన్స్ ను రూపొందించబోతున్నట్లు తెలుస్తోంది. ఇకపోతే ప్రస్తుతం పెద్ది సినిమాపై అదిరిపోయే రేంజ్ లో అంచనాలు ప్రేక్షకుల్లో నెలకొని ఉన్నాయి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

08/07/2025 02:18 PM