ఆ తర్వాత ఢిల్లీ కెప్టెన్ పంత్ గురించి మాట్లాడుతూ... జట్టులో ఎంతో మంది సీనియర్ ఆటగాళ్లు ఉన్న పంత్ కు కెప్టెన్ గా అవకాశం వచ్చింది.. అయితే ఆ సీనియర్ ఆటగాళ్లు అందరూ పంత్ కు తోడుగా ఉన్నారు. అది కలిసి వచ్చే అంశం. ఇక ఈ రోజు ఈ రెండు జట్ల మధ్య జరగనున్న మ్యాచ్లో ఢిల్లీ ఫేవరెట్ అని కామెంట్ చేశాడు.
ఇక రాయల్ చాలెంజర్స్ బెంగళూరు కెప్టెన్ విరాట్ కోహ్లీని పొగిడాడు గౌతమ్ గంభీర్. కెప్టెన్ గా తన బాధ్యతలను కోహ్లీ అద్భుతంగా నిర్వర్తించాడు అని గంభీర్ అన్నాడు. అయితే ఇదే ఆఖరి సీజన్ కావడంతో కోహ్లీ ప్రశాంతంగా ఉన్నాడని... ఆ కారణంగానే అతను తన అత్యుత్తమ ప్రదర్శన చేయగలిగాడని పేర్కొన్నాడు. అలాగే ఈ ఏడాది బెంగళూరు జట్టులో బౌలర్లు రాణించడం వారికి కలిసి వచ్చే అంశం అని అన్నాడు.
చివరగా తాను కెప్టెన్ గా రెండు సార్లు టైటిల్ అందించిన కోల్ కతా నైట్ రైడర్స్ జట్టు గురించి మాట్లాడుతూ... దానికి నాయకత్వం వహిస్తున్న మోర్గాన్ కెప్టెన్ గా ఏమీ చేయడం లేదని... ఆ జట్టు వీడియో అనాలసిస్ వెనక ఉండి జట్టును నడిపిస్తున్నాడని... ప్లేస్ కు చేరుకోవడానికి కూడా అతనే కారణమని అన్నాడు. మైదానంలో ఉన్నప్పుడు మోర్గాన్ ఎప్పుడు కెప్టెన్ గా వ్యవహరించడం లేదని.. బహుశా మైదానం బయట కెప్టెన్ గా ఉంటున్నాడు కావచ్చు అని అన్నాడు.