తెలుగు సినీ రంగంలో ఓ రంగంలో పని చేస్తున్న వారు.. మరో రంగంలోకి అడుగుపెడుతుండటం మామూలే. 24 క్రాఫ్ట్‌లో ఏ పని లో ఉన్నా.. అందరి దృష్టి డైరెక్టర్ కుర్చీపైనే ఉంటుంది. అలా సినీ రంగంలోని ఎన్నో విభాగాల వారు డైరక్షన్‌లోనూ తమ ప్రతిభ చాటుకున్నారు కూడా. అలా మరో టెక్నీషియన్‌ డైరెక్టర్‌ కాబోతున్నారు. సినిమాటోగ్రఫర్ భరణి కే ధరన్ .. తాజాగా ఆనంది, వరలక్ష్మి శరత్ కుమార్ 'సివంగి' చిత్రంతో దర్శకుడిగా పరిచయం అవుతున్నారు.


సివంగి.. ఆనంది, వరలక్ష్మి శరత్ కుమార్, జాన్ విజయ్.. ఈ సినిమాలో ప్రధాన పాత్రలు పోషిస్తున్నారు.  40 సినిమాలకు సినిమాటోగ్రాఫర్ గా పనిచేసిన భరణి కే ధరన్ ఈ చిత్రంతో దర్శకునిగా కొత్త సినీ జీవితం ప్రారంభిస్తున్నారు. ఫస్ట్ కాపీ మూవీస్ బ్యానర్ పై నరేష్ బాబు పి ఈ సివంగి మూవీని నిర్మిస్తున్నారు.


ఫిమేల్ సెంట్రిక్ కథతో రూపొందుతున్న అన్ని కమర్షియల్ హంగులతో పాటు కుటుంబం విలువలకు ప్రాధాన్యతనిచ్చే అంశాలు కీలకంగా ఉండబోతున్నాయి. ఓ మహిళా తన జీవితం లో ఎదురైన అనూహ్యమైన పరిస్థితులకు ఎలా ఎదురు నిలిచింది అన్నది కథాంశం. డొమెస్టిక్ క్రైమ్ థ్రిల్లర్ గా ఈ సివంగి మూవీ రూపొందింది.  ఈ చిత్రం ఆద్యంతం ప్రేక్షకులను ఆకట్టుకుంటుందని దర్శకుడు భరణి తెలియజేశారు.


ఈ చిత్రానికి AH.కాసిఫ్ - ఎబినేజర్ పాల్ సంగీతం అందిస్తున్నారు. భరణి దర్శకత్వంలో పాటు డీవోపీగా కూడా ఈ సివంగి మూవీకి పని చేస్తున్నారు. ఇంక0 సంజిత్ Mhd ఎడిటర్. ఈ చిత్రానికి సంబధించిన మరిన్ని  వివరాలు త్వరలోనే నిర్మాతలు తెలియజేయనున్నారు.

ఈ సివంగి సినిమా వివరాలు..
నటీనటులు : ఆనంది, వరలక్ష్మి శరత్‌కుమార్, జాన్ విజయ్ మరియు డా.కోయ కిషోర్
ప్రొడక్షన్ హౌస్: ఫస్ట్ కాపీ మూవీస్
నిర్మాత: నరేష్ బాబు.పి
రచన, దర్శకత్వం : భరణి కె ధరన్
సంగీతం : AH.కాసిఫ్ - ఎబినేజర్ పాల్
డీవోపీ: భరణి కె ధరన్
ఎడిటర్: సంజిత్ Mhd
ఆర్ట్ : రఘు కులకర్ణి
పీఆర్వో: తేజస్వి సజ్జా
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

sivangi

Chakravarthi Kalyan

08/05/2024 09:11 AM