కొబ్బరి నూనెలో నిమ్మ తొక్క పొడి వేసి రాసినట్లయితే జుట్టు నిగనిగలాడుతుంది. నిమ్మ తొక్కలో ఉండే సిట్రిక్ యాసిడ్, యాంటీబాక్టీరియల్ గుణాలు నోటి దుర్వాసనను నివారిస్తాయి. పళ్ల మీద ఉన్న పసుపు, మచ్చలు తగ్గతాయి. నిమ్మ తొక్క పొడి + ఉప్పు లేదా బెయికింగ్ సోడాతో పళ్లను రుద్దితే మంచిది. నిమ్మ తొక్కలో ఉండే పెక్టిన్ ఫైబర్ పేగులకు ఎంతో మేలు చేస్తుంది. అజీర్తి, గ్యాస్, మలబద్ధకం వంటి సమస్యలు తగ్గుతాయి. నిమ్మ తొక్క నీటిని తాగడం వల్ల జీర్ణవ్యవస్థ శుభ్రంగా ఉంటుంది. నిమ్మ తొక్కలోని ఫైబర్ మరియు ఫ్లావనాయిడ్లు కొవ్వు కరిగించడంలో సహాయపడతాయి. శరీరంలోని బాడీ ఫ్యాట్ బర్న్ చేయడానికి సహాయపడే పొలిఫెనాల్స్ ఇందులో ఉంటాయి.
నిమ్మ తొక్కలో ఉండే పొటాషియం, పెక్టిన్ మరియు ఫ్లావనాయిడ్లు రక్తనాళాల్ని శుభ్రపరుస్తాయి. అధిక కొలెస్ట్రాల్‌ను తగ్గించడంలో సహాయపడతాయి. హృదయ సంబంధిత వ్యాధుల ప్రమాదాన్ని తగ్గిస్తాయి. నిమ్మ తొక్కలో లిమోనిన్, డి-లిమోనిన్ అనే పదార్థాలు ఉండటంతో అవి క్యాన్సర్ కారక కణాల పెరుగుదల్ని నిరోధిస్తాయి. ఈ పదార్థాలు ముఖ్యంగా బ్రెస్ట్ క్యాన్సర్, స్కిన్ క్యాన్సర్ వంటి వాటిపై ప్రభావవంతంగా పనిచేస్తాయని అధ్యయనాలు చెబుతున్నాయి. నిమ్మ తొక్కను ఎండబెట్టి పొడి చేసి దుస్తులలో, ఫ్రిడ్జ్‌లో లేదా టాయిలెట్ ప్రాంతాల్లో ఉంచితే వాసన తొలగిపోతుంది. గోరువెచ్చని నీటిలో వేసి గార్గిల్ చేస్తే నోటి దుర్వాసన పోతుంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి