టాలీవుడ్ యువ నటుడు నితిన్ ఆఖరుగా మాచర్ల నియోజకవర్గం సినిమాలో హీరోగా నటించాడు. మంచి అంచనాల నడుమ విడుదల అయిన ఈ సినిమా ప్రేక్షకులను ఏ మాత్రం ఆకట్టుకోలేక పోయింది. దానితో ఈ సినిమా బాక్స్ ఆఫీస్ దగ్గర ఫెయిల్యూర్ గా మిగిలిపోయింది. ఇక మాచర్ల నియోజకవర్గం మూవీ తర్వాత నితిన్ "ఎక్స్ట్రా ఆర్డినరీ మ్యాన్" అనే మూవీ తో ప్రేక్షకులను పలకరించబోతున్నాడు. 

ఈ మూవీ లో నితిన్ జూనియర్ ఆర్టిస్ట్ పాత్రలో కనిపించబోతున్నాడు. వక్కంతం వంశీ దర్శకత్వంలో రూపొందుతున్న ఈ సినిమాలో శ్రీ లీల హీరోయిన్ గా నటిస్తూ ఉండగా ... రావు రమేష్ ఈ మూవీ లో కీలకమైన పాత్రలో కనిపించబోతున్నాడు. హరిజ్ జయరాజ్ ఈ మూవీ కి సంగీతం అందిస్తున్నాడు. ఈ సినిమాను డిసెంబర్ 8 వ తేదీన థియేటర్ లలో విడుదల చేయనున్నారు. ఇప్పటికే ఈ మూవీ విడుదల తేదీ దగ్గర పడడంతో ఈ సినిమా నుండి చిత్ర బృందం కొన్ని ప్రచార చిత్రాలను ... పాటలను విడుదల చేసింది. వాటికి మంచి రెస్పాన్స్ జనాల నుండి లభిస్తుంది. ఇకపోతే ఈ మూవీ బృందం మరికొన్ని రోజుల్లోనే ఈ సినిమాకు సంబంధించిన ఫ్రీ రిలీజ్ ఈవెంట్ ను కూడా భారీ ఎత్తున నిర్వహించబోతోంది. తాజాగా ఇందుకు సంబంధించిన అధికారిక ప్రకటనను కూడా ఈ మూవీ మేకర్స్ విడుదల చేశారు.

ఈ మూవీ మేకర్స్ ఈ సినిమా యొక్క ఫ్రీ రిలీజ్ ఈవెంట్ ను డిసెంబర్ 4 వ తేదీన సాయంత్రం 6 గంటలకు ఎన్ కన్వెన్షన్ ... మాదాపూర్ ... హైదరాబాద్ లో నిర్వహించనున్నట్లు అధికారికంగా ప్రకటిస్తూ ఓ పోస్టర్ ను విడుదల చేసింది. ప్రస్తుతం ఈ పోస్టర్ వైరల్ అవుతుంది. ఇకపోతే ఈ మూవీ నుండి ఇప్పటి వరకు ఈ చిత్ర బృందం విడుదల చేసిన ప్రచార చిత్రాలు ప్రేక్షకులను బాగా కట్టుకోవడంతో ఈ మూవీ పై తెలుగు సినీ ప్రేమికుల్లో మంచి అంచనాలు ఉన్నాయి. మరి ఈ మూవీ ఏ స్థాయి విజయాన్ని బాక్స్ ఆఫీస్ దగ్గర సొంతం చేసుకుంటుందో చూడాలి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

nithin

Pulgam Srinivas

04/12/2023 09:05 AM