ఇక ఇవాళ ఉదయం... తెలుగు సినిమా అవార్డులను ప్రకటించారు నటి జయసుధ. ఈ లిస్టులో అల్లు అర్జున్ పేరు ఉండడం గమనార్హం. పుష్ప రెండో పార్టులో అత్యుత్తమ నటనకు గాను... అల్లు అర్జున్ కు ఉత్తమ నటుడు అవార్డు వచ్చింది. అలాగే తెలుగు చిత్ర పరిశ్రమలో... మొదటి ఉత్తమ తెలుగు చిత్రంగా ప్రభాస్ హీరోగా చేసిన కల్కి కి గద్దర్ అవార్డు వచ్చింది. అలాగే రెండవ ఉత్తమ చిత్రంగా పొట్టేల్ నియామకం కావడం జరిగింది.
ఇక మూడవ ఉత్తమ చిత్రంగా లక్కీ భాస్కర్ ఫైనల్ అయింది. ఈ మేరకు తెలంగాణ రాష్ట్ర ప్రభుత్వం తరఫున నటి జయసుధ అధికారిక ప్రకటన చేశారు. అలాగే.. ఉత్తమ నటిగా నివేదా థామస్ ఫైనల్ అయ్యారు. 35వ చిన్న కథ కాదు అనే సినిమాకు గాను ఆమెకు ఈ అవార్డు దక్కింది. ఉత్తమ డైరెక్టర్ అవార్డు కల్కి సినిమా చేసిన నాగ అశ్విన్ కు వరించింది. ఇక ఉత్తమ విలన్ గా సరిపోదా శనివారం సినిమాలోని ఎస్ జే సూర్య ఫైనల్ అయ్యారు.
ఉత్తమ సహాయ నటిగా అంబాజీపేట మ్యారేజ్ బ్యాండ్ లో నటించిన శరణ్య ప్రదీప్ కు అవార్డు వచ్చింది. ఉత్తమ కమెడియన్గా మత్తు వదలరా సినిమాలోని సత్య అలాగే వెన్నెల కిషోర్ కు అవార్డు దక్కింది. ఉత్తమ సింగర్ గా శ్రేయ ఘోషాల్ పుష్ప 2 సినిమాకు గాను అవార్డు వచ్చింది. ఉత్తమ డాన్స్ మాస్టర్ దేవర సినిమా చేసిన గణేష్ ఆచార్యకు వరించింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి