ఈ హడావుడి రాజీనామా వెనుక ఎలాంటి రాజకీయ నేపథ్యం ఉందా? లేక నిజంగానే అనారోగ్యమే కారణమా? అనే అనుమానాలు బలంగా వినిపిస్తున్నాయి. ఎన్నికల సమీపంలో, కీలక పదవుల మార్పిడులు జరిగే సమయంలో ఈ తరహా నిర్ణయాలు అనేక ఊహాగానాలకు దారి తీస్తుంటాయి. ప్రధానంగా nda శిబిరంలో ఉన్న కీలక నేతల మధ్య వ్యూహాత్మక మార్పులు జరుగుతున్నాయా? అన్నది విశ్లేషకులు చర్చిస్తున్న అంశం. ఇంతలోనే కొత్త ఉప రాష్ట్రపతి ఎలెక్షన్ పై ప్రయత్నాలు వేగంగా సాగుతున్నాయి. ఉప రాష్ట్రపతి పదవీ కాలం ఐదేళ్లు. అయితే ధన్ ఖడ్ పదవీకాలం ఇంకా రెండు సంవత్సరాలు మిగిలి ఉండగా రాజీనామా చేయడంతో, ఇప్పుడు ఎన్నికయ్యే అభ్యర్థి పూర్తి ఐదేళ్లకు పదవిలో కొనసాగుతారు. ఈ విషయాన్ని కేంద్ర ఎన్నికల సంఘం స్పష్టం చేస్తూ, ఎన్నికల షెడ్యూల్ త్వరలో ప్రకటిస్తామని వెల్లడించింది.
నిలిపిన లోక్‌సభ సీటు బసీర్‌ఘాట్, అలాగే రాజ్యసభలో ఖాళీగా ఉన్న ఐదు సీట్లు కలిపి ప్రస్తుతం మొత్తం సభ్యుల సంఖ్య 786. ఉప రాష్ట్రపతిగా గెలవాలంటే కనీసం 394 ఓట్లు అవసరం. nda కూటమి దగ్గర ప్రస్తుతం 422 ఓట్లు ఉన్నందున విజయం ఖాయమని తేలిపోయింది. దీంతో పాలక పక్షం నామినేట్ చేసే అభ్యర్థి ఎంపిక దాదాపు తథ్యంగా మారింది. ఈ పరిణామాల మధ్య, ధన్ ఖడ్ రాజీనామా వెనుక అసలు కథ ఏమిటన్నది మాత్రం ఇంకా అనుమానాల ఊబిలోనే ఉంది. ఈ రాజీనామా వల్ల కేంద్ర బలాలు ఎలా మారతాయో, కొత్త ఉప రాష్ట్రపతి ఎవరు అవుతారన్న ఉత్కంఠ ఇప్పుడు దేశ రాజకీయాల్లో ఆసక్తికర అంశంగా మారింది. మరోవైపు రాజ్యాంగపరమైన విషయాల్లో ఓ కీలక పరిణామంగా ఇది నిశితంగా పరిశీలించాల్సిన సందర్భం. ఈ నేపథ్యంలో ధన్ ఖడ్ రాజీనామా ఏదో కొత్త శకానికి నాంది కావచ్చునన్న భావన కూడా రాజకీయవర్గాల్లో చర్చకు దారితీస్తోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి