వాస్తవ కారణం ఏమిటి? .. ట్రంప్ వాదన ఏంటంటే, రష్యా నుంచి భారత్ భారీగా ఆయుధాలు, చమురు కొనుగోలు చేస్తోంది, ఇది ఉక్రెయిన్‌పై యుద్ధం నేపథ్యంలో అంతర్జాతీయంగా అనుకూలించదగిన చర్య కాదు అని. ఈ నెపంతో భారత్ పై సుంకాలు పెంచినట్లు చెబుతున్నారు. చైనా, భారత్ వంటి దేశాలు రష్యా తో గణనీయంగా ట్రేడింగ్ చేయడం వల్లే ఈ నిర్ణయం తీసుకున్నట్లు ట్రంప్ ప్రకటనలతో స్పష్టమవుతోంది. ఎగుమతులకు ఎఫెక్ట్ – రూపాయికి ఝలక్! .. భారతదేశం ప్రతి సంవత్సరం సుమారు 87 బిలియన్ డాలర్ల విలువైన ఉత్పత్తులను అమెరికాకు ఎగుమతి చేస్తోంది. ఇప్పుడు ఈ టారిఫ్‌ల వల్ల ఆ ఎగుమతులు తగ్గే ప్రమాదం పొంచి ఉంది. ఫలితంగా కంపెనీలకు వచ్చే ఆర్డర్లు తగ్గిపోవచ్చు. దీని ప్రభావంగా ఉపాధి అవకాశాల పై తీవ్ర దెబ్బ, ఉద్యోగాల్లో కోత, ఎగుమతి ఆదాయం పై నెగెటివ్ ఇంపాక్ట్ – ఇవన్నీ రూపాయిని బలహీనంగా మార్చే ప్రమాదం స్పష్టంగా కనిపిస్తోంది.
ఒక డాలర్ = రూ. 87.65 – ఇంకా పడిపోతుందా? .. ఇప్పటికే డాలర్‌తో పోలిస్తే రూపాయి విలువ రూ. 87.65 వద్ద కొనసాగుతోంది. ట్రంప్ నిర్ణయం నేపథ్యంలో ఈ విలువ మరింత క్షీణించే అవకాశాలు ఉన్నాయి. అమెరికాలో ధరలు పెరిగిన నేపథ్యంలో అక్కడి దిగుమతిదారులు భారత ఉత్పత్తులను తగ్గించి ఇతర ప్రత్యామ్నాయాల్ని చూస్తే... భారత పరిశ్రమలు పెద్ద దెబ్బ తినే ప్రమాదం ఉందని నిపుణులు హెచ్చరిస్తున్నారు. మిత్రుడా.. మోసగాడా? .. “మిత్రదేశం” అంటూ ముద్దు మాటలు పలికే ట్రంప్, అసలు లోనికి వెళ్లితే భారత్‌పై వాణిజ్య పోరాటానికి సిద్ధమవుతున్నట్టు స్పష్టంగా కనిపిస్తోంది. మోదీ – ట్రంప్ స్నేహం ఒక క్షణం ... ఇప్పుడు మళ్లీ ఆ "ట్రంప్ టారిఫ్" రాజకీయ మాయాజాలం మళ్లీ భారత్‌ను ముద్దాడుతోంది! వాణిజ్య యుద్ధానికి ఇది ఓ ప్రారంభ సంకేతమా ? – అన్నదే ఇప్పుడు భారత్ వ్యాపార వర్గాల్లో హాట్ డిబేట్ !
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి