మే 29 నుంచి వెస్టిండీస్‌తో స్వదేశంలో జరిగే వన్డే సిరీస్‌కు ఇంగ్లండ్ జట్టులో జాస్ బట్లర్‌కు చోటు దక్కింది. దాంతో, మే 25న చెన్నై సూపర్ కింగ్స్‌తో జరిగే చివరి లీగ్ మ్యాచ్ తర్వాత బట్లర్.. గుజరాత్ టైటాన్స్‌కు బైబై చెప్పేస్తాడు.
కుశాల్ మెండిస్ మొన్నటికి మొన్న పాకిస్థాన్ సూపర్ లీగ్ (PSL)లో క్వెట్టా గ్లాడియేటర్స్ తరఫున దుమ్మురేపాడు. కానీ, ఇండియా-పాకిస్థాన్ మధ్య టెన్షన్స్ పెరగడంతో ఆ లీగ్ అర్ధాంతరంగా ఆగిపోయింది. సేఫ్టీ కారణాలతో పాకిస్థాన్‌కు మళ్ళీ వెళ్లకూడదని మెండిస్ డిసైడ్ అయ్యాడు. ఇప్పుడు మనోడి ఫోకస్ అంతా ఐపీఎల్‌పైనే! ఇండియన్ వీసా క్లియర్ అవ్వగానే, శనివారం కల్లా GT స్క్వాడ్‌లో జాయిన్ అవుతాడని టాక్.
"జాస్ బట్లర్ రీప్లేస్‌మెంట్‌గా కుశాల్ మెండిస్‌ను గుజరాత్ టైటాన్స్ రూ.75 లక్షలకు 2025, మే 26 నుంచి తీసుకుంది" అని ఐపీఎల్ అఫీషియల్ స్టేట్‌మెంట్ ఇచ్చేసింది. అంతర్జాతీయ అనుభవంతో పాటు, మెండిస్ ప్రస్తుతం భీకరమైన ఫామ్‌లో ఉన్నాడు. చివరిగా మే 7న PSLలో ఆడిన మ్యాచ్‌తో కలిపి, ఐదు గేమ్‌లలో ఏకంగా 168 స్ట్రైక్ రేట్‌తో 143 పరుగులు బాదేశాడు. GT టీమ్‌లో ఆల్రెడీ అనుజ్ రావత్, కుమార్ కుశాగ్ర అనే ఇద్దరు వికెట్ కీపర్లు ఉన్నా, మెండిస్ పవర్ హిట్టింగ్ t20 రికార్డ్, అనుభవం చూసి అతన్నే సెలెక్ట్ చేశారు.
ఇప్పటిదాకా మెండిస్ 178 t20 మ్యాచ్‌లు ఆడి, 30.24 సగటు, 137.43 స్ట్రైక్ రేట్‌తో 4,718 రన్స్ కొట్టాడు. ఇందులో 32 హాఫ్ సెంచరీలు, 2 సెంచరీలు, 430 ఫోర్లు, 193 సిక్సర్లు ఉన్నాయి. వికెట్ కీపర్‌గానూ 121 క్యాచ్‌లు, 17 స్టంపింగ్‌లతో అదరగొట్టాడు.
GT ప్రస్తుతం IPL 2025 టేబుల్‌లో 11 మ్యాచ్‌ల్లో 16 పాయింట్లతో టాప్‌లో ఉంది. ఇంకో గెలుపొస్తే ప్లేఆఫ్స్ బెర్త్ కన్ఫర్మ్. ఈ సీజన్‌లో బట్లర్ 71.43 సగటు, 163.93 స్ట్రైక్ రేట్‌తో 500 పరుగులు చేసి అదరగొట్టాడు కాబట్టి, ఆ ప్లేస్‌ను భర్తీ చేయడం మెండిస్‌కు పెద్ద టాస్కే. ప్లేఆఫ్స్‌లో వికెట్ కీపర్‌గా, నెం.3 బ్యాటర్‌గా మెండిస్‌ను ఆడించే ఛాన్స్ ఉంది. మరి, కుశాల్ మెండిస్ ఈ గోల్డెన్ ఛాన్స్‌ను ఎలా వాడుకుంటాడో చూడాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి