టాలీవుడ్ లో మెగాస్టార్ చిరంజీవి డ్యాన్స్, ఫైట్స్ లో ట్రెండ్ సృష్టించారు. కెరీర్ బిగినింగ్ లో సీనియర్ హీరోలతో పోటీ పడి నటించిన తనకంటూ ప్రత్యేక స్థానం ఏర్పాటు చేసుకున్నారు మెగాస్టార్ చిరంజీవి. స్వయంకృషితో ఎలాంటి బ్యాగ్ గ్రౌండ్ లేకుండా అంచెలంచెలుగా పైకి వచ్చి గొప్ప హీరో మెగాస్టార్ చిరంజీవి. నటుడిగానే కాకుండా రాజకీయాల్లో కూడా తనదైన మార్క్ చాటిన మెగాస్టార్ తెలుగు రాష్ట్రాల విభజన తర్వాత రాజకీయాలకు కాస్త దూరంగా ఉంటూ వస్తున్నారు.
పది సంవత్సరాల తర్వాత వివివినాయక్ దర్శకత్వంలో ‘ఖైదీ నెంబర్ 150’సినిమాతో రీ ఎంట్రీ ఇచ్చిన చిరు..తన స్టామినా ఏంటో చూపించారు. రైతుల కష్టాలు కళ్లకు కట్టినట్లు చూపించిన ఈ సినిమాతో మెగాస్టార్ ఘన విజయం సాధించారు. ప్రస్తుతం సురేందర్ రెడ్డి దర్శకత్వంలో స్వతంత్ర సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా ‘సైరా నరసింహారెడ్డి’ సినిమాలో నటిస్తున్నారు.
ఈ సినిమా షూటింగ్ షరవేగంగా జరుపుకుంటుంది. బహూ భాషల్లో రూపొందుతున్న సైరా కోసం వివిధ భాషలకు చెందిన తారలను తీసుకున్నారు. ఆలిండియా స్టార్ అమితాబ్‌ పూర్తిస్థాయిలో నటిస్తున్న తొలి తెలుగు చిత్రమిదే కావడం విశేషం. ప్రస్తుతం హైదరాబాద్‌లో యాక్షన్‌ సన్నివేశాల చిత్రీకరణ జరుగుతోంది. వీటికోసం హాలీవుడ్ సంట్‌ మాస్టర్స్ పనిచేస్తున్నారు.
స్కైఫాల్‌, హ్యాపీపోటర్‌ వంటి చిత్రాలకు యాక్షన్‌ డైరెక్టర్‌గా పనిచేసిన గ్రెగ్‌ పావెల్‌ సైరా సినిమాకు ఫైట్స్ కంపోజ్‌ చేస్తున్నారు. రామ్ చరణ్ ప్రతి ష్టాత్మకంగా నిర్మిస్తున్నారు. చిరంజీవి సరసన నయనతార తొలిసారి నటిస్తున్న ఈ చిత్రంలో ఇంకా విజయ్ సేతుపతి, జగపతిబాబు, సుదీప్‌ తదితరులు నటిస్తున్నారు. సురేందర్ రెడ్డి దర్శకత్వ బాధ్యతలు నిర్వర్తిస్తున్నారు.
