ఫహద్ ఫాజిల్ నటన గురించి ప్రత్యేకంగా చెప్పనవసరం లేదు. ఇక వీళ్లంతా కూడా పుష్ప 2 లో కూడా నటిస్తున్నారు. ప్రస్తుతం హైదరాబాదులో ఈ సినిమా షూటింగ్ జరుపుకుంటుంది. తాజాగా ఉత్తమ నటుడిగా అల్లు అర్జున్ పుష్ప 1 సినిమాకి గాను జాతీయ అవార్డు అందుకున్నారు. జాతీయ అవార్డు లభించింది అని తెలిసిన రోజే రెండు తెలుగు రాష్ట్రాలతో పాటు యావత్ సినీ ప్రేక్షకులు అలాగే పక్క సినిమా ఇండస్ట్రీలో నుండి కూడా ఆయనకు ప్రశంసలు లభించాయి.
ఇక తాజాగా అల్లు అర్జున్ నేషనల్ అవార్డును రాష్ట్రపతి ద్రౌపది ముర్ము చేతుల మీదుగా అందుకున్నారు. ఈ అవార్డును అందుకున్న తర్వాత ఒక పోస్ట్ ని సోషల్ మీడియాలో షేర్ చేస్తూ.. తన భార్య స్నేహ తల్లిదండ్రుల ఫోటోలను షేర్ చేస్తూ మరిచిపోలేని రోజు నా చుట్టూత మర్చిపోలేని నా వాళ్ళతో అవార్డు తీసుకోవడం చాలా ఆనందంగా ఉంది అంటూ ఆయన చెప్పుకొచ్చారు. మరొకవైపు పుష్ప టీమ్ సభ్యులతో ఫోటోలు దిగి ఆ అపురూపమైన ఫోటోలను బన్నీ పంచుకోవడం జరిగింది. మొత్తానికైతే నేషనల్ అవార్డు అందుకొని మరొక రికార్డు సృష్టించారు అల్లు అర్జున్.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి