బీఆర్ఎస్ పార్టీ నేతలు ఒక్కొక్కరిగా వేరే పార్టీలోకి వెళ్ళిపోతున్నారు. దీనివల్ల ఆ పార్టీ అధినేత కేసిఆర్ తల పట్టుకుంటున్నారు. కేటీఆర్ కూడా బాగా ఫీల్ అయిపోతున్నారు. ఈ నేపథ్యంలో మంత్రి కోమటిరెడ్డి వెంకటరెడ్డి చేసిన వ్యాఖ్యలు ప్రకంపనలు సృష్టిస్తున్నాయి, ఎంపీ ఎన్నికల అనంతరం హరీష్ రావు బీజేపీలో చేరబోతున్నారని కోమటిరెడ్డి వ్యాఖ్యలు చేశారు. బీఆర్ఎస్ లో కేసీఆర్, హరీష్, కేటీఆర్ మాత్రమే ఉండబోతున్నారని ఆయన చెప్పారు.

ఇక కాంగ్రెస్ పార్టీ నిర్ణయాలను తాను అనుసరించబోతున్నానని, పార్టీ ఎవరికి టికెట్ ఇస్తే వారికి తాను మద్దతు ఇస్తానని ఆయన పేర్కొన్నారు. నల్గొండ, భువనగిరి నియోజకవర్గాలలో కాంగ్రెస్ భారీ మెజార్టీతో గెలుపొందుతుందని ఆయన అంచనా వేశారు. చేరికల విషయంలో తాము గేట్లు తెరవలేదని, కానీ అనేక మంది తమ పార్టీలో చేరాలని ఆసక్తి చూపుతున్నారని ఆయన తెలిపారు. కేసీఆర్ చేసిన తప్పులు ఆయనకే తిరిగి తగిలాయని, ఆయన నేర్పిన పాఠాలు ఇప్పుడు ఆయనకే అనుభవంగా మారాయని ఆయన విమర్శించారు. కేసీఆర్ చేసిన పాపాల వల్ల ప్రజలు కష్టాలు పడుతున్నారని, కాంగ్రెస్ అధికారంలోకి వస్తే వర్షాలు పడతాయని ఆయన ప్రజలకు హామీ ఇచ్చారు.

మంత్రి కోమటిరెడ్డి వెంకటరెడ్డి ఇంకా మాట్లాడుతూ, రైతుల దుర్గతికి కేసీఆర్ చేసిన పాపాలే కారణమని అన్నారు. యాదాద్రి గుట్టపై కేసీఆర్, కారు బొమ్మలు వేసిన చర్యలు తప్పుడివి అని, దీని వల్ల పాపం తగిలిందని ఆయన విమర్శించారు. ఫోన్ ట్యాపింగ్ వల్ల అనేక పోలీసు అధికారులు నిద్రలేని రాత్రులు గడుపుతున్నారని, కాళేశ్వరం ప్రాజెక్టులో దోపిడీ జరిగిందని ఆయన ఆరోపించారు. దేవుడు పేరుతో కట్టిన ప్రాజెక్టులో అవినీతి చేయడం తప్పు అని, ఫోన్ ట్యాపింగ్ చిన్న విషయం కాదని ఆయన తెలిపారు. కేసీఆర్ ప్రతి విషయాన్ని రాజకీయం చేస్తున్నారని, హరీష్ రావు కాంగ్రెస్ పట్ల అనుచిత మాటలు మాట్లాడతున్నారని, యాదగిరిగుట్టలో దేవుడు కనపడకుండా చేయడం తప్పు అని ఆయన విమర్శించారు. బీఆర్ఎస్ పార్టీ గురించి ఆయన ప్రశ్నించారు.

కోమటిరెడ్డి ప్రకారం, కేసీఆర్ కుటుంబం మినహా ఇతరులకు బీఆర్ఎస్‌లో చోటు లేదు. హరీష్ బీజేపీలో చేరతారని, పాత నాయకులకు అన్యాయం జరగదని ఆయన చెప్పారు. మోదీ గెలుపు, కేసీఆర్ అవినీతిపై విచారణ అవసరం, తలసాని చుట్టూ ధనవంతులు ఉన్నారని ఆరోపించారు.

మరింత సమాచారం తెలుసుకోండి:

harish rao

Suma Kallamadi

29/03/2024 03:00 PM