వరంగల్ బీఆర్ఎస్ రజతోత్సవ సభలో కేసీఆర్ కాంగ్రెస్ ప్రభుత్వంపై తీవ్ర విమర్శలు గుప్పించారు. ఏడాదిన్నర కాలంలో రాష్ట్రాన్ని ఆర్థికంగా దిగాజార్చి, అన్ని రంగాల్లో నాశనం చేసినట్లు ఆరోపించారు. సమయం ఇచ్చినా కాంగ్రెస్ విఫలమైందని, మిగిలిన రెండున్నర సంవత్సరాల్లో ఏం సాధిస్తారని ప్రశ్నించారు. అవసరానికి భూములు అమ్మవచ్చు కానీ, యూనివర్సిటీ భూములను అమ్మడం సరికాదని విమర్శించారు. గౌరెల్లి, పాలమూరు-రంగారెడ్డి ప్రాజెక్టులను పూర్తి చేయకుండా నిర్లక్ష్యం చేసినట్లు ధ్వజమెత్తారు. బీఆర్ఎస్ సభకు లక్షన్నర మంది రావాల్సి ఉండగా, అవాంతరాలు సృష్టించి ప్రజలను అడ్డుకున్నారని ఆగ్రహం వ్యక్తం చేశారు.
కాంగ్రెస్ నయవంచన పాలన అన్ని రంగాల్లో విఫలమైందని కేసీఆర్ తీవ్రంగా విమర్శించారు. అబద్ధ వాగ్దానాలు, దేవుళ్లపై ఒట్లు, 20-30 శాతం కమిషన్లతో సంచులు నింపడంలో మాత్రమే పాస్ అయినట్లు వ్యంగ్యంగా వివరించారు. కాంట్రాక్టర్లు కమిషన్ల కోసం సచివాలయంలో ధర్నా చేసే స్థితి వచ్చిందని ఆరోపించారు. కేసీఆర్ కిట్‌ను ఎవరూ ఆపలేరని, ముఖ్యమంత్రి గాంభీర్యంగా, ఉదారంగా ఉండాలని సూచించారు. సోషల్ మీడియాలో ప్రశ్నిస్తే కేసులు పెడుతున్నారని, పోలీసులు డైరీలో రాసుకోవాలని హెచ్చరించారు. బీఆర్ఎస్ మళ్లీ అధికారంలోకి వస్తుందని, ఎవరూ అడ్డుకోలేరని ధీమా వ్యక్తం చేశారు.
కేసీఆర్ పాలనలో సాధించిన పురోగతిని గుర్తు చేస్తూ, కాంగ్రెస్ దాన్ని నాశనం చేసినట్లు విమర్శించారు. ఊకదంపుడు ముచ్చట్లతో అసెంబ్లీ సమయం వృథా చేస్తున్నారని, పిల్లలు అడిగిన ప్రశ్నలకు సమాధానం చెప్పలేని స్థితిలో ఉన్నారని ఎద్దేవా చేశారు. గాడిదలకు గడ్డి వేసి బర్లకు పాలు పిండితే వస్తాయా అని వ్యంగ్యంగా ప్రశ్నించారు. కేసీఆర్ ఆనవాళ్లను తుడిచిపెట్టే ప్రయత్నం చేస్తున్నారని, అది సాధ్యం కాదని తెలిపారు. ప్రజలకు అండగా తాను ఎల్లప్పుడూ ఉంటానని, ఇక ఊరుకోకుండా పోరాడతానని ప్రకటించారు.
కాంగ్రెస్ అసమర్థత వల్ల తెలంగాణ దయనీయ స్థితిలోకి వెళ్లిందని కేసీఆర్ ఆవేదన వ్యక్తం చేశారు. బీఆర్ఎస్ సభలకు అడ్డంకులు సృష్టించడం, ప్రజలను రాకుండా అడ్డుకోవడం దుర్మార్గమని ఆరోపించారు. కత్తి ఒకరికి ఇచ్చి, ఇంకొకరిని కొట్టమనడం సరికాదని, తానే స్వయంగా పోరాటం సాగిస్తానని తెలిపారు. కాంగ్రెస్ పాలనలో రాష్ట్రం ఆర్థిక దివాళా తీసిందని, అన్ని రంగాలు క్షీణించాయని విమర్శించారు. బీఆర్ఎస్ కార్యకర్తలు, ప్రజల మద్దతుతో రాష్ట్రాన్ని తిరిగి గాడిలో పెట్టేందుకు పోరాడతామని, కేసీఆర్ నాయకత్వంలో విజయం సాధిస్తామని ధీమా వ్యక్తం చేశారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి